U-17 жаҳон чемпионати. Жанубий Корея Японияни мусобақадан чиқариб юборган Мексика билан ўйнайди
08 ноя 2019 12:10
Янгиликлар

U-17 жаҳон чемпионати. Жанубий Корея Японияни мусобақадан чиқариб юборган Мексика билан ўйнайди

Бразилияда бўлиб ўтаётган ўсмирлар ўртасидаги жаҳон чемпионатида 1/4 финал жуфтликлари маълум бўлди.

Мусобақада ўз иштирокини давом эттираётган ОФКнинг ягона аъзоси Жанубий Корея U-17 терма жамоаси чорак финалда Мексикага қарши баҳс олиб боради. Маълумки, Мексика ўсмирлар термаси аввалги босқичда Япония устидан 2:0 ҳисобида ғалабага эришди.

Австралияни 4:0 ҳисобида енгиб кейинги босқичга йўл олган Франция эса бу сафар Испания билан тўқнаш келади. Қуйида 1/4 финал жуфтликларини келтириб ўтамиз.

Голландия - Парагвай (10 ноябрь)

Жанубий Корея - Мексика (10 ноябрь)

Испания - Франция (11 ноябрь)

Италия - Бразилия (11 ноябрь)

1/8 финалда қайд этилган натижалар:

Ангола - Жанубий Корея 0:1

Япония - Мексика 0:2

Нигерия - Голландия 1:3

Испания - Сенегал 2:1

Франция - Австралия 4:0

Бразилия - Чили 3:2

Парагвай - Аргентина 3:2