"Оқ бўрилар" учрашувда 3:1 ҳисобида ғалаба қозонди. Қуйида ушбу баҳсдан қизиқарли фактларни эътиборингизга ҳавола қиламиз.
1. Туркманистон терма жамоаси 32 йилдан сўнг яна Тошкентда гол урди. Улар бу ишни илк бор 1992 йил амалга оширган, Улуғбек Рўзимов ва Азамат Абдураимовнинг голига Виталий Золотухин жавоб қайтарганди.
2. Остон Ўрунов терма жамоа либосидаги 27-учрашувида 7-голини урди.
3. Ҳусниддин Алиқулов Ўзбекистон терма жамоасидаги дебют тўпини киритди. Алиқулов 2023 йил Вьетнамга қарши баҳсда ҳам гол урганди, аммо у назорат учрашуви бўлгани боис ФИФА рўйхатига кирмаган.
4. Шерзод Насруллаев терма жамоа либосида 19 беллашувида қатнашди ва 2-голини урди.
5. Ўзбекистон терма жамоасининг мағлубиятсиз серияси 14 та ўйинга етди. Сречко Катанец шогирдлари сўнгги маротаба 2023 йил ўртоқлик учрашувида АҚШга мағлуб бўлган эди.
6. Туркманистон билан ўйинлардаги ғалабали серия 8 та ўйинга етди. Охирги маротаба 1998 йил жамоалар ўртасидаги баҳсда ғолиб номи аниқланмаганди.
7. Ўткир Юсупов Ўзбекистон терма жамоаси таркибида 30 учрашувида майдонга тушди.
