Миллатлар Лигаси учун тайёргарлик кўраётган Испания терма жамоаси сафига келиб қўшилган Адама Траореда коронавирус аниқланди ва у терма жамоа ихтиёрини тарк этди.
24 ёшли футболчи "қизил фурия" сафида Германия (3 сентябрь) ва Украина (6 сентябрь) терма жамоаларига қарши ўйинларда дебют қилиши мумкин эди.
Траоре бунга қадар мамлакатнинг ўсмирлар ва ёшлар терма жамоалари сафида тўп тепган. Хавбек - "Барселона" тарбияланувчиси, у Каталония жамоаси сафида атиги 1та ўйинда майдонга тушган.
Испаниялик футболчи якунланган мавсум АПЛда 37та ўйинда майдонга тушиб, 4та гол уришга эришди.
