Трансфер ойнаси пайтида бошқа клубга ўтган футболчи биринчи давра ўйинларида майдонга туша оладими?
06 авг 2020 18:37
Янгиликлар

Трансфер ойнаси пайтида бошқа клубга ўтган футболчи биринчи давра ўйинларида майдонга туша оладими?

Хабарингиз бор, 10 август куни ўзбек футболида ёзги трансфер ойнаси очилади.

10-31 август юртимизда ёзги трансфер кунлари сифатида белгиланган. Маълумки, Суперлига биринчи даврасининг қолган тўртта тури марказлашган ҳолда ўтказилади. 10-тур 17 август куни старт олиб 13-турнинг охирги ўйини 29 августга белгиланган.

Шу ўринда савол туғилади: ёзги трансфер пайтида бир клубдан иккинчисига ўтган футболчи биринчи давранинг қолган турларида янги жамоаси таркибида майдонга туша оладими? Бу савол билан ПФЛ бош директори вазифасини бажарувчи Диёр Имомхўжаевга мурожаат қилганимизда "Ҳа" деган жавобни олдик.

Демак, ёзги транфсер пайтида исталган клуб ўз сафига қўшиб олган янги футболчиларни биринчи давра тугамасдан майдонга тушириши мумкин бўлади. Фаыат бу ўринда ПФЛ олдида ёки жамоадагилардан қарзи бор клублар токи қарзни ёпмагунча трансфер ишлари билан шуғуллана олишмайди. ПФЛ бу борада вазиятни жиддий назоратга олишни мақсад қилган.

Ҳавола :

Манба : championat.asia

Янгиликларни Телеграмда ўқинг!

Рейтинг: +6