Тимур Кападзе: "Биз доим пенальтилар сериясига тайёрланамиз ва рақибларни ўрганамиз"
02 апр 11:54
Янгиликлар

Тимур Кападзе: "Биз доим пенальтилар сериясига тайёрланамиз ва рақибларни ўрганамиз"

Миллий Олимпия қўмитасида ЎФА раҳбарияти ва Ўзбекистон U-23 терма жамоаси бош мураббийи Тимур Кападзе иштирокида матбуот анжумани бўлиб ўтмоқда.

Ўзбекистон U-23 терма жамоаси бош мураббийи Тимур Кападзе тайёргарлик, ўйинлар режаси ва дарвозабонлар ҳақида қуйидагича фикр билдирди.

"Ўз услубимиз, режамиз бор. Лекин бу рақибга қараб ҳам ўзгариб боради, албатта. Осиё ўйинларида ҳам рақибларимизга қараб режа бўйича ишладик.
Дарвозабонлар масаласида кимга кўпроқ ишонч бериш борасида ҳали аниқ қарорга келмадик. Ҳали ҳам ишлаяпмиз. Ким тайёр бўлса, ўзини яхши ҳис қилса, ўша ўйнайди.
Интизом ҳақида келадиган бўлсак, йигитлар бу турнирнинг даражасини тушуниб турибди. Умид қиламиз, бу борада муаммо бўлмайди.
Биз доим пенальтилар сериясига тайёрланамиз ва рақибларни ҳам ўрганамиз".

Ҳавола :

Манба : championat.asia

Янгиликларни Телеграмда ўқинг!

Рейтинг: +10