Тимо Вернер кетма-кет 9 та ўйиндан бери “Челси”да гол ура олмаяпти

“Челси” АПЛ 14-тури доирасида “Вест Хэм”ни 3:0 ҳисобида енгди. Голлар Тэмми Абрахам (2 та) ва Тиаго Силва томонидан урилди. “Аристократлар” сафида Тимо Вернер ўйинни тўлиқ майдонда ўтказди. Бироқ бу сафар ҳам майдонни голсиз тарк этишга мажбур бўлди. Немис футболчиси “Челси” сафида кетма-кет 9 та ўйиндан бери гол ура олмаяпти (7 та ўйинда асосий таркибда, 2 тасида эса захирадан майдонга тушган). Агар Германия терма жамоасидаги ўйинни ҳам ҳисобласа (Германия—Испания, 0:6) Вернернинг голсиз ўйинлар cерияси 10 тага етди.

Вернер мазкур ўйинларда дарвоза томон 18 та зарба берган, бироқ уларнинг ҳеч бири гол билан якунланмаган. Аммо Тимо мазкур 9 та ўйин ичида 3 та голли узатмани амалга оширган.