UZ

Сўнгги янгиликлар

07:42Испания терма жамоаси аъзоси АПЛнинг ўртамиёна клубига ўтди  0 07:15CAFA. Бугун Ўзбекистон МТЖ ўз юришини бошлайди  3 01:49А Серия. "Милан" мавсумдаги илк ғалабасини қўлга киритди  1 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  18 00:17Лени Йоро: "Манчестер Юнайтед" "Арсенал"га қарши зўр ўйнади, "Фулхэм" билан ўйинда омад етишмади"  5 23:59Саудия Арабистони. "Ал Ҳилол" мавсумни ишончли ғалаба билан бошлади  2 23:46"Ливерпуль" ва "Рома" келишувга эришди  1 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  3 22:55Суперлига. "Динамо" — "Андижон" ўйини 15 ноябрь куни ўтказилади  1 22:30"CAFA Nations Cup-2025". Тожикистон уйда Ҳиндистонга ютқазди   5 21:45Жалолиддин Машарипов: "Янги мураббийни кучлироқ ўйинларда яхшироқ билиб оламиз, Осиё жамоаларини мураббийсиз ҳам ютганмиз"  33 21:20Жамшид Искандеров: "Ҳужумкор ўйнаймиз, лекин ҳар бир рақибни ҳурмат қиламиз"  5 21:00Бир ўйин тарихи. Ўмон - Ўзбекистон 4:2. Футболимиз тарихидаги энг ғалати мағлубият қандай юз берганди?  22 20:30Бир ўйин тарихи. Ўмон Ўзбекистонни Олмалиқда қандай мағлуб этганди? Аҳмедов дебют қилган, ПСЖ собиқ мураббийи Қосимовни енгган ўйин  2

Терма жамоа дебютанти Диёр Холматов - Терма жамоага биринчи чақируви, ёш футболчиларимиздаги ҳаяжон, отаси берган маслаҳат ва Осиё кубогидаги режалари ҳақида гапирди Янгиликлар

Терма жамоа дебютанти Диёр Холматов - Терма жамоага биринчи чақируви, ёш футболчиларимиздаги ҳаяжон, отаси берган маслаҳат ва Осиё кубогидаги режалари ҳақида гапирди

Терма жамоамиз сафидаги иқтидорли футболчи - Диёр Холматов, Сурия терма жамоасига қарши кечадиган учрашувдан олдин сайтимизга интервью берди

- Терма жамоага биринчи чақирувингиздаёқ Осиё кубогидек катта турнирга йўл олдингиз. Осиё кубоги учун якуний таркиб эълон қилинганидан сўнг биринчи бўлиб нима ҳақида ўйладингиз? 

- Барча мухлисларга салом. Осиё кубоги мен учун олдинга ташланган яна бир қадам. Фаолиятимда янги босқичга қадам қўйдим. Турнирга тайёргарлик кўришда давом этаман.

- Терма жамоага илк чақирувингиз ҳақида қаердан билдингиз?

- Чақирув ҳақида билган вақтим “Ал-Айн”да эдим. “Пахтакор” билан чемпионлар лигаси доирасидаги учрашувга тайёргарлик кўраётган эдик. Йигитлар менга терма жамоага чақирилганимни айтишди ва биз жуда хурсанд бўлдик. 

- Отангиз (Акмал Холматов) Осиё кубогига боришингизни билганидан сўнг сиз билан суҳбатлашдими? Балки қандайдир маслаҳат бергандирлар? 

- Ҳа, Дадам менга хар доим такрорлаган гапларини айтдилар. Ҳеч нимадан қўрқмаслик, тинимсиз меҳнат қилиш ва барчасини исботлаш. Ўзимни кўрсатиш учун имконият ўз қўлимда эканлигини яна бир бор такрорладилар. Дадам мен учун катта намуна футболда ва ҳаётда ҳам.

- Сизнинг позициянгизда терма жамоа сафида жуда катта рақобат. Ушбу турнирда Сречко Катанец сизга имконият беришига ишонасизми?

- Бош мураббий мени жалб этган бўлса демак у менга ишонмоқда. Мен ўзим ишимни бажаришда давом этаман ва ўз потенциалимни исботлашда давом этаман. Сўнги қарорни эса бош мураббий қабул қилади.

- Отабек Шукуров, Сайфиев ва Искандеров каби тажрибали футболчилар бундай катта мусобақаларда кўп маротаба иштирок этишган. Уларга ушбу ҳолатлар таниш, аммо сиз ва терма жамоага жалб этилган бир нечта ёш футболчиларда ушбу жараён қандай кечмоқда? Биринчи Осиё кубоги, дастлабки минтақавий мусобақа. Ҳаяжон борми? Босим қанчалик кучли эканлигини ҳис этяпсизми?

- Ҳаяжон бўлади албатта, аммо майдонга тушган вақтим ҳаяжон йўқолади ва ҳар куни қилиб юрган ишимни бажараман. Майдонда ҳаракат қилаётган вақтим ўзимга ишонч ошади. Менимча ҳаяжон ва босим ҳар бир инсонда бор, ҳатто Месси ва Роналдуда ҳам. Ҳаяжонни ҳис этиш аксинча яхши.

- Эртанги учрашув ҳақида нима дея оласиз?

- Эртага дастлабки ўйинимиз Сурия терма жамоасига қарши. Рақибни ўрганиб чиқдик, ўзимиз ҳам тайёрмиз. Эртага мухлисларни хурсанд қилишни мақсад қилганмиз.

Абдулвосит Бектемиров суҳбатлашди

Рейтинг: +12   

Фикрлар

championat.asia
< сўнгги янгиликларни кўриш
Яндекс.Метрика