Танқидларга учраган Зюле таътил пайтида 10 кг вазн ташлади
11 июл 2024 00:57
Янгиликлар
Танқидларга учраган Зюле таътил пайтида 10 кг вазн ташлади
Футболчи ёзги танаффус пайти ўзининг жисмоний ҳолатини яхшилади.
"Боруссия Дортмунд" ҳимоячиси Никлас Зюле ёзги танаффус пайтида 10 кг ортиқча вазндан қутилди. Бу ҳақида Sky Sport нашри маълум қилди. "Боруссия" бугунги машғулотларидан олинган суратларда Зюле ростдан ҳам яхши формага кириб олганини кўриш мумкин.
Ўтган мавсум охирларида Никлас Зюле анчагина ортиқча вазн тўплагани кўриниб қолганди. Ёзги таътилга чиқишидан олдин Зюле ва клуб мураббийлари ўртасида жиддий суҳбат бўлиб ўтган. У ерда агарда ҳимоячи ўзининг жисмоний ҳолатини тартибга келтирмаса, бунинг жиддий оқибатлари бўлиши мумкинлиги ҳақида сўз борган.
Зюле жамоа таътилга чиққан пайти ўзининг шахсий мураббийлари билан шуғулланди. Футболчи мунтазам машқлар ва диета ёрдамида анчагина ортиқча вазндан ҳалос бўлган.

Ўхшаш янгиликлар
championat.asia
ОЧЛ 2 плей-офф босқичига қуръа ташланди: Роналду етакчилигидаги "Ал Насср" "Арқадағ" билан ўйнайди
Тимур Кападзе дунёнинг энг кучли мураббийлари орасида кучли ўнликка кирди!
АПЛ. "Арсенал" "Астон Вилла"нинг ғалабали сериясига нуқта қўйди. МЮ аутсайдерни мағлуб эта олмади
Расман: Ислом Тўхтахўжаев — "Андижон" футболчиси!
Фикрлар