Аргентина терма жамоаси собиқ ҳужумчиси Мауро Икарди миллий терма жамоасининг Қатарда бўлиб ўтган ЖЧ-2022даги ғалабаси ҳақида фикр билдирди.
Финалда аргентиналиклар Франция терма жамоасини мағлуб этишди (3:3, пенальтилар бўйича – 4:2).
"Табриклайман, Лео! Бу кубокка бошқа ҳеч ким сендан кўпроқ лойиқ эмас. Сен у учун узоқ вақт курашдинг ва мукофотландинг.
Шунингдек, ушбу ажойиб жамоанинг бир қисми бўлган барчани табриклайман. Мен ҳам [ўтмишда] унинг бир қисми бўлганимдан ва у билан ажойиб онларни баҳам кўрганимдан мамнунман. Олға, Аргентина!", – деб ёзди Икарди ижтимоий тармоқларда.
