UZ

Сўнгги янгиликлар

21:12"Лечче" — "Интер". Тюрам ва Лаутаро асосий таркибда  0 21:05АПЛ. "Тоттенхэм" ўз уйида кутилмаганда "Лестер"га мағлуб бўлди  1 20:58А Серия. "Рома" меҳмонда "Удинезе"ни мағлуб этди, Шомуродов иккинчи бўлим бошида майдонга тушди  13 20:37Ўзбекистон U-20 терма жамоаси Хитойдаги йиғинга кимларни жалб қилди?  1 20:21Ўртоқлик учрашуви. Ўзбекистон U-17 терма жамоаси Саудия Арабистонини мағлуб этди  3 20:01"Челси" аёллар футболи тарихидаги энг қиммат трансферни амалга оширди  2 19:28"Лечче" "Манчестер Юнайтед"га яна "йўқ" деди  1 19:01Лондон клуби Рэшфорд учун курашда кутилмаганда етакчилик қилмоқда  2 18:30А Серия. "Милан" "Парма"га қарши ўйинда 90+2 ва 90+5 дақиқаларда тўп киритиб, камбэк қайд этди  11 17:33Туркия Суперлигаси. "Ризеспор" 5та гол урилган ўйинда ғалабага эришди, баҳсда тўлиқ ҳаракат қилган Алиқулов сариқ карточка олди, у кейинги ўйинни ўтказиб юборади  1 17:01"Ливерпуль" Йозуа Киммихга қизиқишни кучайтирди  2 16:36Педри касаллик сабаб "Валенсия" билан ўйинни ўтказиб юбориши мумкин  0 16:03"Реал" президенти Винисиус бўйича қарор қабул қилди  8 14:58Кристенсен "Барса"дан кетишга тайёр. Агар даниялик кетса, каталонияликлар МЮдан Рэшфорд билан шартнома имзолай олишлари мумкин  0 14:15"Бавария" 10 млн евролик трансферни амалга оширмоқда  0

Суперлиганинг сўнгги тур ўйинларида ҳакамлар нечта хатога йўл қўйишди? Россиялик экспертимиздан ҳакамлик фаолияти таҳлили Янгиликлар

Суперлиганинг сўнгги тур ўйинларида ҳакамлар нечта хатога йўл қўйишди? Россиялик экспертимиздан ҳакамлик фаолияти таҳлили

Championat.Asia сайтининг ҳакамлик фаолияти бўйича эксперти, россиялик собиқ ҳакам Анатолий Синяев ("Алё, рэф!" Телеграм канали муаллифи) Суперлиганинг 26-тур учрашувларидаги баҳсли вазиятларни таҳлил қилиб чиқди.

Таъкидлаш жоизки, сўнгги тур ўйинлари бир вақтнинг ўзида ўтказилган ва уларнинг барчаси ҳам телевидение орқали намойиш этилмаган. Шу сабабли, баъзи ҳолатларда экспертимиз ҳакам томонидан қабул қилинган қарорнинг тўғрилигини аниқлаш учун қўшимча ракурслардан фойдалана олмади.


"Насаф" - "Металлург"

ВИДЕОЛАВҲАНИ ТОМОША ҚИЛИШ

Ҳакамнинг "Металлург" голини бекор қилиш ва "Насаф" фойдасига жарима белгилаш қарорини қўллаб-қувватлайман. Ҳужумчи рақибининг орқасида туриб, тўп учун курашда қўлларидан фаол фойдаланди. "Ушлаб туриш" узоқ давом этди (ҳам гавда, ҳам либосдан), шу сабабли "Металлург" ҳужумчиси позиция учун курашда устун келди. Бу ҳолат ҳужумдаги қоида бузилиши эди.


"Насаф" - "Металлург"

ВИДЕОЛАВҲАНИ ТОМОША ҚИЛИШ

Қизил карточка тўғри бекор қилинди, ВАР эпизодга ўринли аралашди. Ўтган турда ҳам худди шундай ҳолат юз берган эди. Қоида бузилиши кўзга ташланмаган: "Металлург" футболчиси тўпни тепганидан сўнг, унинг оёғи ерга тушаётганди. У рақиб ўйинчиси билан бўлажак тўқнашувдан қочиб қутула олмасди. Ўйинни карточкасиз давом эттириш лозим.


"Насаф" - "Металлург"

ВИДЕОЛАВҲАНИ ТОМОША ҚИЛИШ

"Насаф" дарвозасига пенальти белгилаш қарори тўғри бўлган, ВАР ҳам вазиятга тўғри ҳолатда аралашган. "Насаф" ўйинчиси рақиби билан курашаётганда, унинг орқасида турган ҳолда қўлини олдинга чўзиб, шу орқали тана майдонини кенгайтирган. Бундай вазиятда футболчи ўз қўлларининг ҳаракатига жавобгар ҳисобланади. Пенальти ҳеч қандай санкциясиз (карточкасиз) белгиланиши лозим. Шунингдек, ҳакам яхши позицияда турганини таъкидлаш керак, аммо негадир дастлаб ўзи бундай қарор қабул қилмади.


"Сурхон" - "Олимпик"

ВИДЕОЛАВҲАНИ ТОМОША ҚИЛИШ

Бу ҳолатда ҳам ҳакам яхши позицияда турган бўлса-да, унинг дастлаб қўлини юқорига кўтариб эркин зарба белгилаганини тушуниш қийин. VAR бу эпизодга тўғри аралашди. "Олимпик" жамоаси ўйинчиси тўп учун курашга кеч киришди, оёғини баланд кўтарди ва тўғридан-тўғри оёғининг таг қисми билан рақибининг тизза қисмига тегди ва қоидаларни жиддий равишда бузганлиги сабабли майдондан четлатилди.


"Локомотив" - "Нефтчи"

ВИДЕОЛАВҲАНИ ТОМОША ҚИЛИШ

"Локомотив" дарвозасига белгиланган пенальти нотўғри қарор эди. Икки жамоа ўйинчилари бир-бирига параллел равишда югурган, "Локомотив" ҳимоячиси оёқ ташлаб, тўпни чиқариб юборишга уринган. Ҳужумчи буни пайқаб, чап оёғи ва танасини атайин ҳимоячи томон ҳаракатлантирган ва шу тариқа тўқнашувнинг ташаббускори бўлган.


"Навбаҳор" - "Андижон"

ВИДЕОЛАВҲАНИ ТОМОША ҚИЛИШ

"Андижон" дарвозасига пенальти белгилаш қарори тўғри бўлган. "Андижон" ҳимоячиси тўпга етиб бормаслиги аниқ эди, унинг эҳтиётсизлиги туфайли қоида бузилиши содир этилган. Сариқ карточка тўғри кўрсатилди, чунки "Навбаҳор" ўйинчиси гол уриш имкониятидан маҳрум этилганди.


Шу тариқа, Суперлиганинг 26-тур ўйинларида ҳакамлар битта хатога йўл қўйишди.

Рейтинг: +1   

Фикрлар

   
04 дек 18:11:43
Привет
"Шу тариқа, Суперлиганинг 26-тур ўйинларида ҳакамлар битта хатога йўл қўйишди"
Мавсумнинг охирги турига келиб сал бушашибдида хакамларимиз бутун мавсум давомида битта хам хато килишмаган эди, майли буларни хам тушунишимиз керак булар хам инсонку хамма инсонлар катори буларнинг хам хаклари бор хато килишга!!!
   
04 дек 17:21:29
mirabzal
Бу эксперт бизаникиладан нимаси устун фикирлаши бир хилку бизани хакамлани киган ишларини макуллаб турибти
championat.asia
< сўнгги янгиликларни кўриш
Яндекс.Метрика