Суперлиганинг 20-турида ҳакамлар жуда кўп хатога йўл қўйди

Championat.Asia сайтининг ҳакамлик фаолияти бўйича эксперти, россиялик собиқ ҳакам Анатолий Синяев ("Алё, рэф!" телеграм канали) ўз ҳакамлар жамоаси билан биргаликда Суперлиганинг 20-тур ўйинларидаги баҳсли ҳолатларни таҳлил қилди.

❌✅ "Шўртан" - "Навбаҳор"

ВАЗИЯТ ВИДЕОСИНИ ТОМОША ҚИЛИШ

Фикримизча, ҳакам "Шўртан" жамоасининг 55-рақамли ўйинчиси томонидан содир этилган қўполликни қайд этмасдан хатога йўл қўйди. Қоидабузар рақибининг оёғини бепарволик билан "босиб олди". Сўнгра ҳакам "Шўртан"нинг 17-рақамли ўйинчиси томонидан эҳтиётсизлик билан содир этилган қоида бузилишини (оёққа зарба бериш) кўрмай қолди. Шундан сўнг қисқа вақт ичида учинчи яккакураш юз бераи: "Навбаҳор"нинг 32-рақамли ўйинчиси ҳаддан ташқари куч ишлатиб курашга киришади, рақибининг болдирига бутсанинг таг қисми билан зарба берди. Сўнгра оёғи сирпаниб пастга тушди ва бутун тана оғирлиги билан рақибининг тўпиғини босиб олди. Бу вазиятда, бизнингча, ҳакам "Навбаҳор" ўйинчисини жиддий қоидабузарлик учун майдондан четлатиб, тўғри қарор қабул қилди. Бироқ бу ҳолатдан олдин "Шўртан" ўйинчилари томонидан содир этилган иккита қоидабузарлик эътибордан четда қолган эди.

❌ "Сўғдиёна" - "Динамо"

ВАЗИЯТ ВИДЕОСИНИ ТОМОША ҚИЛИШ

Бу вазиятда, бизнинг фикримизча, ҳакам жиддий хатога йўл қўйди ва "Сўғдиёна" футболчисининг голини нотўғри тарзда бекор қилди. Футболчи дарвозабонга тўпни ўйинга киритишга халақит бермаган, ҳеч қандай ғайриқонуний ҳаракат қилмаган. Тўпни эгаллаб турган "Динамо" дарвозабони ўзи тўп ёрдамида рақиб билан тўқнашувга киришди, натижада тўп назоратини йўқотди ва дарвозасидан гол ўтказиб юборди. Ўйинни давом эттириш ва тегишли равишда голни ҳисобга олиш тўғри қарор бўларди.

✅ "Сўғдиёна" - "Динамо"

ВАЗИЯТ ВИДЕОСИНИ ТОМОША ҚИЛИШ

Бу ерда ҳакам "Динамо" дарвозабонининг қоидабузарлигини қайд этмасдан тўғри қарор қабул қилди. Дарвозабон тўпга ўйнамоқда. Агар қоидабузарлик қайд этилиши керак бўлса, у "Сўғдиёна" ўйинчиси томонидан бўлиши керак эди, чунки у тўпга ўйнамай, дарвозабон билан тўқнашув ташаббускори бўлди.

❌  "Сўғдиёна" - "Динамо"

ВАЗИЯТ ВИДЕОСИНИ ТОМОША ҚИЛИШ

Фикримча, бу ерда ўйинчилар ўртасидаги оддий тўқнашув рўй берган. Иккаласи ҳам тўпга биринчи бўлиб ўйнашга ҳаракат қилишган. Бу нормал ҳолат. Энг муҳими шундаки, ҳакам дастлаб вазиятни ўйин ҳолати деб баҳолаган ва фақат ВАРни кўриб чиққандан сўнггина "Динамо" дарвозасига пенальти тайинлаган. Бу ҳолатни қайта кўриб чиқишнинг ҳожати йўқ эди. Албатта, барчаси "яккама-якка кураш меъёри"га боғлиқ. Бироқ тўқнашув ҳимоячининг ташаббуси билан содир бўлмаган - бу оддий ўйин жараёнидаги тўқнашув. Ҳимоячи томонидан очиқ-ойдин туртиш ёки қўшимча ҳаракат йўқ. Ҳакам пенальти белгилаш орқали хатога йўл қўйган.

✅  "Сўғдиёна" - "Динамо"

ВАЗИЯТ ВИДЕОСИНИ ТОМОША ҚИЛИШ

(Ушбу эпизод ўйин шарҳига киритилмаган, бироқ "Динамо" матбуот хизмати томонидан эълон қилинган)

"Сўғдиёна" ҳимоячиси "Динамо" ўйинчисига нисбатан қонунга хилоф ҳаракат қилмаяпти. Тўғри, у қўлини рақибининг орқасига қўйди, аммо туртмади. "Динамо" ўйинчиси елкаси ёки орқасида қўлни ҳис қилиб, ўзи йиқилди. Ҳакам ўйинни тўғри равишда давом эттирди.

✅ "Нефтчи" - "Машъал"

ВАЗИЯТ ВИДЕОСИНИ ТОМОША ҚИЛИШ

"Нозик" ҳолат, аммо бизнинг фикримизча, "Нефтчи"нинг голи мувофиқ равишда ҳисобга олинди. Гол урган ўйинчи офсайд ҳолатида эмас эди.

❌✅ "Бухаро" - "Қўқон-1912"

ВАЗИЯТ ВИДЕОСИНИ ТОМОША ҚИЛИШ

Ҳакам бу вазиятда ўзини муҳофазалаши ва зарбанинг фақат ҳуштак чалингандан кейин берилишини кўрсатиб қўйиши керак эди. У қоида бузилган жойга келганда, атрофида ўйинчилар тўпланди. Бироқ у юқоридаги қарорни айтгани йўқ, демак тўп қоида бузилмасдан ўйинга киритилди. Тўп қимирламасдан туриб, қоидабузарлик содир бўлган жойдан ўйинга киритилди. Агар "Қўқон-1912" гол урганида, уни ҳисобга олиш лозим бўларди. Таъкидлаш жоизки, ҳакам тўпни қайтадан ўйинга киритишни талаб қилмади ва бурчак тўпи белгилади.

✅ "Андижон" - "Пахтакор"

ВАЗИЯТ ВИДЕОСИНИ ТОМОША ҚИЛИШ

Бу эпизодда ҳакам тўғри қарор қабул қилиб, "Пахтакор" ўйинчисини иккинчи сариқ карточка билан жазолади. "Андижон" ўйинчиси учун майдонда бўшлиқ ва жарима майдонига кириш имконияти мавжуд эди, бундан ташқари, ҳимоячилардан ҳеч бири унга қарши чиқмаган эди.

❌✅ "Андижон" - "Пахтакор"

ВАЗИЯТ ВИДЕОСИНИ ТОМОША ҚИЛИШ

Ҳакам дастлаб нотўғри қарор қабул қилиб, "Андижон" ўйинчисига сариқ карточка кўрсатди. ВАР вазиятга тўғри аралашиб, ҳакамни видеотакрорни кўришга таклиф этди. "Андижон" ўйинчиси рақибининг тизза қисмини оёғи билан босиб, гавда оғирлигини туширди. Шуни ҳам таъкидлаш жоизки, қоида бузган футболчи рақибини яққол кўриб турган ва атайлаб тажовузкор тарзда тўқнашувга киришган, бу билан рақибига жароҳат етказиш хавфини туғдирган. Видеотакрорни кўргандан сўнг бош ҳакам "Андижон" ўйинчисини майдондан четлатиб, тўғри иш қилди.

✅ "Қизилқум" - "Бунёдкор"

ВАЗИЯТ ВИДЕОСИНИ ТОМОША ҚИЛИШ

Ўйин шарҳидаги мавжуд ракурслар ушбу яккакурашни ва унинг оқибатларини тўлиқ баҳолаш имконини бермайди. Биз фақатгина "Бунёдкор" ўйинчисининг қасддан оёғини кўтариб, рақибининг юзига (эҳтимол бутсанинг таг қисми билан) теккизганини кўряпмиз. Агар шундай бўлса, бу эпизодни "тажовузкор хатти-ҳаракат" деб баҳолаш мумкин. Ҳакам бундай вазиятда қизил карточка кўрсатиши шарт.

✅ "Қизилқум" - "Бунёдкор"

ВАЗИЯТ ВИДЕОСИНИ ТОМОША ҚИЛИШ

"Қизилқум" жамоаси ўйинчиси (15-рақамли) офсайд чизиғининг орқасида бўлиб, рақиб билан яккама-якка курашга киришди. Видеотакрор кўриб чиқилгандан сўнг, гол тўғри равишда бекор қилинди.

✅ "Сурхон" - "Насаф"

ВАЗИЯТ ВИДЕОСИНИ ТОМОША ҚИЛИШ

Майдондаги ҳакам ўйинни давом эттиришга қарор қилиб, тўғри йўл тутди. "Сурхон" жамоаси ўйинчиси рақиб билан аҳамиятсиз тўқнашувдан сўнг ўз ихтиёри билан йиқилди. Олдинга ҳаракатланишга тўсқинлик қиладиган сезиларли ушлаб қолиш ҳам, кучли туртки ҳам бўлмади. Ўйинни давом эттириш лозим.

✅ ОКМК – "Хоразм"

ВАЗИЯТ ВИДЕОСИНИ ТОМОША ҚИЛИШ

Бу ерда ҳам кўпроқ ракурс етишмайди. Умуман олганда, ОКМК ҳужумчисининг оёғи ҳақиқатан ҳам "Хоразм" ҳимоячисиникига нисбатан дарвоза чизиғига яқинроқ тургандек таассурот уйғотди. Ёрдамчи ҳакам яхши позицияда бўлгани сабабли, хато ҳақида гапириш учун асос йўқ. Бизнинг фикримизча, ҳакамлар бригадасининг қарори тўғри.

Шу тариқа, Суперлиганинг 20-тур ўйинларида ҳакамлар бешта хатога йўл қўйишди.