Суперлига. "Нефтчи" голларга бой ўйинда камбэк эвазига "Навбаҳор"ни мағлуб этди

05.04.2025
“Нефтчи” – “Навбаҳор” 3:2
Бош ҳакам: Рустам Лутфуллин
Ёрдамчи ҳакамлар: Руслан Серазитдинов, Бахтиёрхўжа Шавкатов
Захира ҳаками: Хушнуд Суюнбоев
Назоратчи: Бахтиёр Намозов
VAR: Найим Қосимов
АVAR: Насибабону Тошмуҳаммедова
Комиссар: Шоҳруҳ Саид

Голлар: 0:1 – 29, Азим Аҳмедов, 1:1 – 48, Билол Тошмирзаев (Жамшид Искандеров), 1:2 – 49, Русланбек Жиянов (Педро Аугусто), 2:2 – 64, Зоран Марушич (Жамшид Болтабоев), 3:2 – 72, Зоран Марушич (Аброр Исмоилов).

"Нефтчи": 25.Элдор Суюнов, 21.Муҳсин Убайдуллаев, 20.Анвар Ғофуров (с), 34.Фарруҳ Сайфиев, 77.Билолхон Тошмирзаев (6.Иброҳимҳалил Йўлдошев, 71), 14.Жамшид Болтабоев, 10.Жамшид Искандеров (17.Муҳаммадали Ғиёсов, 59), 5.Икром Алибоев (23.Йован Жокич, 71), 7.Аброр Исмоилов (11.Қувондиқ Рўзиев, 90), 8.Владимир Йовович, 32.Зоран Марушич

Захира: 1.Ботирали Эргашев, 4.Боян Цигер, 33.Шоҳруҳ Ёқубжонов, 24.Ғулом-Ҳайдар Ғуломов, 9.Шоҳруҳ Гадоев.

"Навбаҳор": 16.Шукрон Йўлдошев, 7.Азим Аҳмедов (с), 8.Шоҳмалик Комилов (55.Комилжон Тожидинов, 88), 13.Бенжамин Тейди, 17.Русланбек Жиянов (70.Аббос Ғуломов, 63),19.Мирзоҳид Ғофуров (71.Наврўзбек Иминжонов, 42), 29.Педро Аугусто (11.Пўлатхўжа Холдорхонов, 63), 33.Сергей Карпович, 36.Гильерме Гедеш, 37.Алишер Одилов (10.Шаҳзодбек Убайдуллаев, 63), 99.Игор Габриэл

Захира: 1.Умид Эргашев, 4.Шахзод Таиров, 6.Шерзод Ғуломжонов, 21.Риан Исломов.

Огоҳлантиришлар: Шоҳмалик Комилов (25), Фарруҳ Сайфиев (37), Азим Аҳмедов (37), Икром Алибоев (61), Зоран Марушич (73)

МАТНЛИ ТРАНСЛЯЦИЯ

ЯНГИЛАШ

Ўйин якунланди.

Ниҳоят, "Нефтчи" мавсумдаги илк ғалабасини тантана қилишга жуда яқин. Воқеа жамият ижтимоий ҳаётида сиқимаслик ҳақида мусиқий маслаҳат бераётган ҳамда нотўғри операция қилинган блогер мурожааридан кейинги учинчи воқеа ҳисобланади.

90+3. "Навбаҳор"нинг стандарт вазиятдан сўнгги уриниши муваффақиятсиз тугади.

90. Иккинчи бўлимга 3 дақиқа қўшиб берилди.

90. "Нефтчи"да ўзгариш содир бўлди.

88. "Навбаҳор" таркибида ўзгариш амалга оширилди.

83. Болтабоев рақиб жарима майдонида йиқилди, аммо ҳакам ўйинни давом эттиришни маълқу кўрди.

81. Мезбонларнинг стандарти самарасиз якунланди.

73. Марушич голни либосини ечиб нишонлагани учун огоҳлантирилди.

72. ГОЛ! Марушич "Нефтчи"ни ҳисобда олдинга олиб чиқди! "Навбаҳор" ҳимояси Орол денгизи каби парча-парча бўлиб кетди.71. Ғиёсов яқин масофадан дарвозага аниқ зарба йўллай олмади.

69. Комиловнинг зарбага айланган узатмасини Суюнов эгаллаб олди.

67. Алибоевнинг чап оёқда йўллаган зарбасига аниқ етишмади.

64. ГОЛ! Ўнг қанотдан узатилган тўпни Марушич тўхтатмасдан рақиб дарвозасига аниқ йўллади ва ҳисобни тенглаштирди!

61. Алибоев огоҳлантирилди.

59. "Нефтчи" таркибида ўзгариш амалга оширилди.

58. Хавфли вазият! Йововичнинг чап қанотдан берган пасини Гедеш қийинчилик билан бартараф этди.

55. Искандеровнинг узатмасидан сўнг Тошмирзаев зарба йўллашга кечикди.

49. ГОЛ! "Нефтчи" голини такрор кўряпман деб ўйласам, адашган эканман, Жиянов "Навбаҳор"ни ҳисобда олдинга олиб чиқди!

48. ГОЛ! Тошмирзаев ўнг қанотдан рақиб жарима майдонига кириб борди ва ҳисобни тенглаштирди!

47. Хавфли вазият! Ўнг қанотдан оширилган узатмадан сўнг Марушич бош билан зарба йўллади, бироз ноаниқ.

46. Иккинчи бўлим бошланди.

Тайм якунланди.

45+2. "Нефтчи"нинг ажойиб ҳужумига яна сўнгги зарба етишмади. Йовович–Тошмирзаев комбинацияси якунланмай қолди.

45. Биринчи бўлимга 3 дақиқа қўшиб берилди.

45. "Нефтчи" футболчисининг олис масофадан йўллаган зарбаси дарвоза ортидаги мухлиснинг қўлидаги бургерни аниқ нишонга олди.

42. "Навбаҳор"да мажбурий ўзгариш амалга оширилди.

41. Мезбонларнинг навбатдаги хавфли ҳужуми якунланмай қолди. Ғофуров якуний зарбани беришга бўйи етмади.

36. Собиқ жамоадошлар – Сайфиев ва Аҳмедов жанжаллашиб қолишди. Иккаласи ҳам огоҳлантирилди.

33. Футболга дарвозаси юқорисига баскетол савати ўрнатилганда, Йововичнинг зарбасидан сўнг ҳисобда ортда бораётган мезбонлар олдинга чиқиб оларди.

29. ГОЛ! Азим Аҳмедов жарима зарбасидан "Нефтчи" дарвозасини ишғол қилди! Дарвозабон эса тўпга худди унга хиёнат қилгандай қарашдан бошқа чора топа олмади!

25. Исмоиловга нисбатан фол ишлатган Комилов огоҳлантирилди.

20. Комиловни танимаганлар ҳозирги финтни кўриб, Зидан уламасоч кийиб майдонга тушибди деб ўйлаши мумкин.

19. Хавфли вазият! Исмоиловнинг рақиб жарима майдони ичида йўллаган кучли зарбасига бироз аниқлик етишмади.

17. Хавфли вазият! "Навбаҳор" хавфли ҳужум ташкил этди. ўнг қанотдан марказга оширилган пасдан кейин зарба йўллайдиган футболчи топилмади.  

16. Агар бурчак зарбалари ҳам гол сифатида инобатга олинганда, дастлабки 15 дақиқаликдаёқ мезбонлар рақибини тор-мор этишган бўларди.

14. Искандеровнинг бурчакдан дарвоза томон йўллаган зарбасини Йўлдошев қайтарди.

10. Икки жамоа футболчилари жон-жаҳдлари билан тезкорликка урғу беришмоқда, бироқ барибир Хайрулла Ҳамидовнинг шарҳда айтаётган воқеаларига ета олишмаяпти. Менимча, тасвир узилиши бўлганда, футболчилардан кимдир шарҳловчилар хонасига чиқиб, илтимос, секинроқ шарҳланг, улгуролмай қоляпмиз деб айтса керак. 

6. "Нефтчи"нинг тезкор ҳужуми тўхтатиб қолинди. Гедеш Исмоиловни тунда дарахтни ағдаргандай ҳакамнинг кўзидан пана қилиб, рақибини ерга қулатди. Ҳакам эса унга жазо белгилмади. 

4. Аброр Исмоиловга нисбатан фол ишлатилди. Искандеровнинг узатган тўпи Йўлдошевнинг манзилига бориб тушди.

1. Ғалаба илинжида майдонга тушган "Навбаҳор" жамоаси ўйинни бошлади ва 10- сониядаёқ тўпни йўқотди. Ҳужум хавфли зарба билан якунланди.

Жамоалар майдонга чиқиб келишди. "Нефтчи" сариқ-қора, "Навбаҳор" кўк рангли либосларда ҳаракат қилади.