"Айни пайтда "Нефтчи" клубининг уй стадиони — "Истиқлол" мажмуасида VAR техникаларини жойлаштириш ва созлаш жараёни кетмоқда.
Режага асосан, кейинги босқичларда "Андижон", "Бухоро" ҳамда "Сўғдиёна" клублари стадионлари босқичма-босқич ушбу тизим билан жиҳозланади.
Бугунги кунга қадар "Хоразм" ва "Сурхон" клублари уй стадионларида VAR тизими тўлиқ ўрнатиб бўлинган.
Ўзбекистон футбол ҳакамлар маркази мутахассислари томонидан ушбу техник қурилмаларни ўрнатиш, монтаж қилиш ва ишчи ҳолатга келтириш жараёнлари бевосита амалга оширилмоқда.
Ушбу саъй-ҳаракатлар ҳакамлик қарорларининг ҳаққонийлигини таъминлаш ва ўзбек футболининг халқаро стандартларга мослигини оширишга хизмат қилади", – дейилади Ўзбекистон футбол ҳакамлари маркази хабарида.
