Суарес "Интер Майами"га ўтиш учун маошининг бир қисмидан воз кечишга тайёр
27 июл 2023 09:48
Янгиликлар

Суарес "Интер Майами"га ўтиш учун маошининг бир қисмидан воз кечишга тайёр

Лекин у камида йил охиригача ҳозирги жамоаси "Гремио"да қолади.

Бу ҳақида футболчига яқин манбаалар ESPN'га маълум қилди.

Аввалроқ "Интер Майами" уни ўз сафига қўшиб олиши ҳақида хабарлар тарқалганди.

36 ёшли уругвайлик футболчи имкон қадар тезроқ МЛС клуби сафига бориб қўшилмоқчи. У ерда "Барса"даги собиқ жамоадошлари Лионель Месси, Серхио Бускетс ва Жорди Альба бор. Трансфер тезроқ амалга ошиши учун у маошининг 10 миллион долларини "Гремио"га қайтиб беришга ҳам тайёр.

Эслатиб ўтамиз, Суарес шу йил январида Бразилия клуби сафига эркин агент сифатида бориб қўшилганди. Унинг ҳозирги клуби билан шартномаси 2024 йилнинг декабрига қадар амал қилади.

Ҳавола :

Манба : ESPN

Янгиликларни Телеграмда ўқинг!

Рейтинг: +3