UZ

Сўнгги янгиликлар

08:26Бугун Ўзбекистон U-23 терма жамоаси Осиё кубогига йўлланма олиши мумкин  0 07:58ЖЧ-2026. Яна бир терма жамоа мундиал йўлланмасини қўлга киритди  0 07:30Юртбошимиз ташриф буюрган, Ўзбекистон МТЖ чемпионликни қўлга киритган мусобақанинг тақдирлаш маросимидан ФОТОГАЛEРEЯ  0 07:13CAFA Nations Cup-2025. Ўзбекистон - Эрон 1:0  6 02:00ЖЧ саралаши. Италия Исроил дарвозасига 5та гол урди, Швеция кутилмаганда мағлубиятга учради  8 00:42CAFA Nations Cup-2025. Энг яхшилар аниқланди ва ғолибга соврин топширилди  38 00:30Муҳаммадрасул Абдумажидов Бельгия клубига ўтмайди  5 00:14Славен Билич Ўзбекистон терма жамоаси бош мураббийига айланиши мумкин  61 00:05Тимур Кападзе: "Эрон терма жамоаси қачон рози бўлган ўзи?"  120 23:00Қозоғистон Президенти Тоқаев: "Футбол клубларини хусусийлаштириш бўйича ишларни тезлаштириш керак. Бусиз футбол ривожланмайди"  4 21:50"CAFA Nations Cup-2025". Ўзбекистон терма жамоаси 13 йилдан сўнг Эронни ютди ва турнир ғолибига айланди  1033 20:32Шавкат Мирзиёев Жанни Инфантинога “Дўстлик” орденини топширди  17 20:26Португалиялик мураббий Озарбайжон терма жамоаси бош мураббийлигидан кетди  11 19:52CAFA Nations Cup турнирида сенсация! Ҳиндистон пенальтилар сериясига кўра Ўмондан устун келиб, 3-ўринни қўлга киритди!  16 19:13Гвардиола Абдуқодир Хусанов учун янги режа ишлаб чиқди  11

Сречко Катанец: "Бу ерда ким хўжайин эканлигини эртага кўрсатишимиз керак" (тўлиқ) Янгиликлар

Сречко Катанец: "Бу ерда ким хўжайин эканлигини эртага кўрсатишимиз керак" (тўлиқ)

ЖЧ-2026 3-саралаш босқичи доирасида бўлиб ўтадиган Ўзбекистон - КХДР учрашувидан аввал матбуот анжумани ташкил этилди.

Унинг иккинчи қисмида терма жамоамиз устози Сречко Катанец ҳамда сардоримиз Элдор Шомуродов қатнашди. Қуйида анжуманнинг тўлиқ вариантини ўқишингиз мумкин.

- Барчага салом. Терма жамоамизда ҳозирча барчаси яхши, футболчилар соғлом. Ўйинчиларимиз эртанги баҳсга юз фоиз тайёр. Футболчилар эътиборини бир жойга жамлашган ва бу мени хурсанд қилмоқда. Эртага албатта ғалаба қозонишни мақсад қилганмиз.

Элдор Шомуродов:

- Ниҳоят ушбу кунлар келди. Буни узоқ вақт кутдик. Барча ўйинларга тайёр. Мақсадимиз бор ва у учун боримизни берамиз.

Элдор Шомуродовга:

- Бундан аввал икки маротаба Жаҳон чемпионати саралашида иштирок этгансиз. Бу сафар учинчи саралаш циклида иштирок этмоқдасиз. Аввалги саралашлардан бу сафаргиси сиз учун нимаси билан фарқ қилади ва аввалги босқичлардан нима сабоқлар чиқарсак бўлади?

- Бундан аввалги саралашларда ёш футболчи бўлганман. Терма жамоада тажрибали, етакчи футболчилар кўп эди. Бу сафаргиси бироз бошқачароқ, сабаби бу сафар мен терма жамоа сардориман ва ўша тажрибали футболчи менман. Энди кўп юк менинг елкамга тушади. Тажрибали футболчилардан ўрганган нарсаларимизни энди қўллаймиз. Аввалги Жаҳон чемпионати саралашларида бир нима етишмагани сабаб, биз мундиалга чиқа олмаганмиз. Айни дамда, бир оила бўлиб вазифани бажаришимиз керак.


- Зич тақвим сабаб, учинчи саралаш босқичини ўртоқлик ўйинларисиз бошлаяпмиз. Шу ҳақда фикр билдириб ўтсангиз. Терма жамоанинг ҳозирги ҳолати қандай?

- КХДР ва бизнинг ўртамизда фарқ шундаки, КХДР терма жамоаси йиғин ташкил эта олди ва ўртоқлик ўйинларини ўтказди. Биз уч йилдан бери биргамиз ва барча футболчилар нимани мақсад қилганимизни жуда яхши билишади. Футболчилар терма жамоа ихтиёрига бир хил ҳолатда етиб келгани йўқ, қайсидир футболчилар кўпроқ ўйнамоқда, қайсидир футболчи эса камроқ. Ўйинчилар душанба куни терма жамоа билан шуғулланишни бошлади. Иккита машғулот ўтказдик, бугун расмий машғулотда иштирок этамиз ва эртага ўйин, лекин футболчилар нима қилишни жуда яхши билишади. Шунингдек, жуда кўп хоҳиш ҳам яхши оқибатларга олиб келмайди. Бу шунчаки ортиқча босим холос. Мотивациянинг кўпайиб кетиши ёки умуман бўлмаслиги ҳам ёмон. Ўз ишимизни бажаришда давом этишимиз керак, КХДР ҳам бекорга сўнгги босқичга қадар етиб келмаган.

- Ўзбекистон терма жамоаси бунга қадар ҳеч қачон бундай тизимли тайёргарлик кўрмаган. Биз уч йилдан бери бир мақсадга эришиш учун ишлаб келмоқдамиз. Бу вақт ичида таркибимизда ўзак ташкил қилинди. Нима деб ўйлайсиз, ушбу ўзак яқин келажакда ўзгариши мумкинми? Масалан, Жаҳон чемпионатига чиқсак, айни дамдаги таркибимизда ўзгаришлар бўлиши мумкинми?

- Биз Жаҳон чемпионатига чиқишга улгурдик (кулади). Эртага нима бўлишини билмайман ва шу сабабли келажак ҳақида бир нима дейиш нотўғри. Эртанги учрашувда яхшироқ ўйин намойиш этишга ҳаракат қилайлик.

- Эртанги учрашувда таркибда ўзгаришлар кузатилиши мумкинми? Қайси футболчилар қандай ҳолатда эканлигини айта оласизми?

- Барчасини эртага билиб оласиз. ОАВ олдида қайсидир футболчим бундай ҳолатда деб айтиб ўтишим нотўғри ва шу сабабли ушбу саволингизга жавоб бера олмайман, афсуски.


Элдор Шомуродовга:

 - Олимпия ўйинларида бироз ўйинингиз қовушмади. Эртанги учрашувда майдонга тушиб барчасини исботлайман деган ҳиссиёт сизда борми?

- Албатта. Ўзбекистон терма жамоасига чақирилганимда ҳар доим энг юқори хоҳиш билан ўйнаганман. Эсимни таниганимдан бери барча инсонларнинг орзуси - Ўзбекистонимиз Жаҳон чемпионатига чиқиши. Бу барчамизнинг орзумиз ва ушбу орзуни амалга ошириш учун боримизни берамиз.

- КХДР терма жамоасини ўрганиш учун ихтиёрингизда олдинги саралаш босқичидаги учрашувлар ва яқинда ўтказилган ўртоқлик учрашувлари бор эди. Сўнгги ўртоқлик учрашувларида КХДР айнан Ўзбекистон терма жамоасига қарши тайёргарлик кўрган. Ушбу учрашувларнинг таҳлили давомида КХДР терма жамоасида қандай ўзгаришларни сездингиз?

- Тўғрисини айтсам, КХДРни таҳлил қилиш осон вазифа эмас экан. Сабаби, улар жуда кўп ротацияга қўл уришади. Японияга қарши учрашувда бошқа таркиб, Сурияга қарши эса бошқа таркиб майдонга туширилган, аниқроғи 4та ўзгариш бўлган. Жамоа мураббий нима истаётганини жуда яхши билар ва мураббий кўрсатмаларини яхши бажарар экан. Ҳимояда юқори интизом бор. Рақибимиз асосан, қарши ҳужумларга таянган ҳолда ўйин олиб боради. Келинг, ўзимиз ҳақимизда кўпроқ қайғурайлик, биз кучлироқ жамоамиз ва биз ўз уйимизда ўйнамоқдамиз. Бу ерда ким хўжайин эканлигини кўрсатиб қўйиш керак".


КХДР бош мураббийи: "Нейтрал майдонда ўйнаш қўшимча устунлик бермайди"

Рейтинг: +35   

Фикрлар

championat.asia
< сўнгги янгиликларни кўриш
Яндекс.Метрика