"Сўғдиёна"да синовли саҳифалар старти — Иван Бошковични олдинда нималар кутяпти? У ёзда жамоани кучайтира олдими?

Кўраётган бўлсангиз "Сўғдиёна"нинг ўйинида секин асталик билан ижобийлик кўзга ташлана бошлади. Бунга эса бир нечта омиллар туртки бўляпти. Қуйида уларни кўриб чиқамиз ва таҳлил қилишга ҳаракат қиламиз.

Қишда кетган Йововичнинг позицияси ёзда Жасур Жалолиддинов билан тўлдирилди. Энди жамоанинг ўйинини олдинга тўғри йўналтириб берадиган, ҳужумларни кескинлаштирадиган ижрочи ярим ҳимоячи бор.  Айнан Жасур "Сўғдиёна" ярим ҳимоясида муҳим фигура бўлиб хизмат қилади, креативлик эвазига ҳужумларни янада кескин тус олдиришига туртки бўлади. Биз эътибордан четда қолдирган Жалолиддинов бу орқали яна ўзининг кучли томонларини кўрсата олади. 

Бунинг ҳисобига Люпче Дориев олдинда хотиржам ўз ишини қила олиши мумкин, чунки орқада унга шерик келди. Йовович ўйнайдиган эркин нуқтада биринчи даврада ҳеч ким йўқ эди. Бундан ташқари Рубин Хебай ҳам яъни якунловчи тоза 16 лик ичида ўйнайдиган форвард олинди.  Хебай 3 та ўйинда 2 та гол урди, старт чакки эмас. 

Мудофаа чизиғи мустаҳкамланди. Биринчи даврада жамоа кўп гол ўтказди. Орқа чизиқда Қобилов, Жўрабоев, Иванович, Раҳмонов бор. Рақобат шаклланди. Қобилов "Машъал" билан ўйинда ўнг қанотга жойлашди. Зоир Жўрабоев чап қанотда. Қизиғи икки голга икки қанот ҳимоячилари бугун ассистентлик қилишди. Бошковичнинг бу позициядан кўнгли тўлиши аниқ. Эндиликда марказда Раҳмонов ва Иванович тўлдирилиши орқали қолган марказий мудофаачилардан қанотларда кўпроқ фойдаланиш имконияти пайдо бўлди. 

Биринчи даврада жуда кўп очколар йўқотилди. Жамоа 17-турдан сўнг 12-ўринда кетмоқда, ҳисобида 17 очко бор. Натижа томонлама "Сўғдиёна"да назарий имкониятлар бор юқорига кўтарилиш учун. Лекин кўряпсизки қолганлар ҳам курашмоқда. Урушда ҳеч ким осонликча оқ байроқни кўтармайди. "Сўғдиёна"га осон бўлмайди. Қишки селекция натижаларига кўра асосий фигура ҳужумда Жон Игбарума бўлиши кутилганди. У эса жароҳат олиб сафдан чиқди ва "Сўғдиёна"да қолмайдиган бўлди. Натижада асосий юк Дориевни ўзига қолиб кетди. Ёзда яхши селекция бўлди.

Эндиликда Жиззах жамоасини кетма-кет юқоридаги жамоаларга қарши ўйинлар кутмоқда. Чилла энди бошланади. 

15 август. "Пахтакор" - "Сўғдиёна"

20 август. "Сўғдиёна" - "Динамо"

25 август. "Сўғдиёна" - "Навбаҳор"

12 сентябрь. "Сўғдиёна" - ОКМК