Сияваш Ҳақназарий жисмоний ҳолати ва Эрон клубига қарши ўйин ҳақида фикр билдирди
20 окт 2023 12:58
Янгиликлар

Сияваш Ҳақназарий жисмоний ҳолати ва Эрон клубига қарши ўйин ҳақида фикр билдирди

ОКМК клуби ярим ҳимоячиси Сияваш Ҳақназарий ОЧЛнинг 3-туридан ўрин олган Эроннинг "Сепахон" клубига қарши ўйин олдидан ўз фикрлари билан ўртоқлашди.

Эслатиб ўтамиз, 28 ёшли футболчи кеча Ўзбекистон кубоги 1/2 финал ўйини доирасида "Навбаҳор"га қарши баҳсда жароҳат олиб, майдонни эрта тарк этганди.

"Менимча, кечаги баҳсда шунчаки мушакларнинг қисилиб қолиши рўй берди, аммо жароҳатнинг даражасини билиш учун бугун тиббий текширувдан ўтаман. Умид қиламанки, “Сепахон”га қарши баҳсда жамоамга ёрдам бера оламан. Бу учрашувга алоҳида мотивация билан тайёрланяпман. Турнирнинг илк ўйинларидаги қониқарсиз натижаларни тўлдиришга ҳаракат қиламиз", — деди эронлик ярим ҳимоячи.

ОКМК — "Сепахон" учрашуви 23 октябрь санасида ўтказилади.