Симеоне: "Реал"га қарши баҳснинг катта қисмида ўйинни биз назорат қилдик"
08 мар 2021 09:33
Янгиликлар

Симеоне: "Реал"га қарши баҳснинг катта қисмида ўйинни биз назорат қилдик"

"Атлетико" бош мураббийи Диего Симеоне Испания чемпионати 26-тур доирасидаги "Реал" (1:1)га қарши ўйиндан сўнг ўз фикрларини билдириб ўтди.

"Қироллик клуби" 88-дақиқада Бенземанинг урган голи сабаб мағлубиятдан қутулиб қолди.

"Биз ўйиннинг катта қисмини назорат қилдик, мудофаада ажойиб ўйнадик ва яхши вазиятларга эга бўлдик, аммо уларни голга айлантира олмадик ва шу сабаб товон тўладик. Футболда барчасини ишга солган ҳолда таваккал қилиш керак. Агар сиз буни қилмасангиз, рақибингиз ҳисобни тенглаштиради. 1:0 - бу рақиб гол урганда йўққа чиқадиган минимал устунлик.

Чемпионатдаги етакчилик? Якуний нимадир дейишни хоҳламайман, жамоанинг ўйинида етарлича яхши томонларни кўряпман, аммо мавсум сўнггигача ҳали кўп ўйинлар бор", - дейди Симеоне.

"Атлетико" жадвалда етакчилик қилишда давом этмоқда. Иккинчи ўринда "Барселона", "Реал" эса учинчи ўринда бормоқда.