Симеоне 2021 йил учун тилак ҳақида: "Бундай пайтда футбол ҳақида ўйлаш худбинлик, шунчаки соғ-саломат бўлинг"
31 дек 2020 10:15
Янгиликлар

Симеоне 2021 йил учун тилак ҳақида: "Бундай пайтда футбол ҳақида ўйлаш худбинлик, шунчаки соғ-саломат бўлинг"

"Атлетико" бош мураббийи Диего Симеоне Испания чемпионати 16-тур доирасидаги "Хетафе" (1:0)га қарши ўйиндаги ғалабадан сўнг ўз фикрларини билдирди.

"Хетафе"га қарши ўйнаш доим қийин. Дастлабки 30 дақиқада хоҳлаганимиздек ўйнадик ва гол урдик, бундан ташқари Лемарда ҳам ажойиб вазият бўлди. Биз ўйин тақдирини ҳал этишимиз керак эди.

Кейин эса "Хетафе" ўйинни ўз қўлига олди. Бизда ҳам, уларда ҳам вазият бўлмади, бу эса интриганинг сўнгги секундларгача сақланиб қолишини англатарди. Барчага маълумки, 1:0 - жуда хавфли ҳисоб.

2021 йилдаги футболдаги истаклар? Бундай вақтда футбол ҳақида ўйлаб худбинлик. Шунчаки соғ-саломат бўлинг", - дейди Симеоне.

Эслатиб ўтамиз, "Эл Чоло" кеча "Атлетико" бош мураббийлигидаги 500-ўйинини ўтказди. Унинг жамоаси ҳозирда Ла Лигада яққол етакчилик қилмоқда.

Ҳавола :

Манба : As

Янгиликларни Телеграмда ўқинг!

Рейтинг: +12