Сичев айни пайтда сайёрадаги энг кучли ҳужумчи кимлигини айтди

“Холанд майдонда амалга ошираётган иш – мен сўнгги вақтларда бундан яхшироқ ҳаракатланаётган ҳужумчини кўрмагандим. У нафақат голлари балки ажойиб статистикаси билан ҳам барчани ҳайратда қолдирмоқда.

Тезкорлик, вазиятни уқий олиш ва моҳир тўпурарларга хос хислат – буларнинг барчаси бу йигитда жамланган. Ва бундан буёғига ҳам у янада яхшироқ ҳислатларини намойиш этиб бормоқда”, дейди россиялик собиқ футболчи.

Холанд “Боруссия” сафида 11 та учрашувда майдонга тушиб, 12 та гол урди ва иккита голга ҳаммуаллифлик қилди. Норвегиялик футболчи мавсум бошидан буён ўзи тўп тепган барча турнирларда 30 та учрашувда майдонга тушди ва 40 та гол уришга улгурди.