Шукурали Пўлатов: “Ушбу икки жамоа ўртасидаги ўйинлар азалдан ўзбек классикоси деб номланарди”

Ушбу учрашувдан сўнг “Нефтчи” жамоаси футболчиси Шукурали Пўлатов ўйин ҳақида ўз фикрларини билдирди.

“Пахтакор” жамоасига қарши қийин ўйин бўлишини билардик. Ушбу икки жамоа ўртасидаги ўйинлар азалдан ўзбек классико деб номланарди. “Пахтакор” кучли учликка кириш учун кураш олиб бормоқда. Бизга қараганда раыиб футболчилари руҳий томондан устунроқ эди. Ушбу учрашувдан олдин Тошкентда “Обод” жамоасига мағлуб бўлдик, кўп ўйинларда очколар йўқотдик. “Шерлар”га қарши баҳсга яхши тайёргарлик кўргандик. Кечаги учрашувдаги ғалаба шуни эвазига қўлга киритилди деб ўйлайман.

Мухлисларимиз олдида маъсулиятли ўйин эди. Ғалаба жамоавий ўйин эвазига қўлга киритилди деб ўйлайман. Чунки, рақибимиз яхши клуб ҳисобланади. Футболчилари тўп билан яхши момила қилади. Бундай жамоани 1-2 киши билан мағлуб этиб бўлмайди. Ғалабада бизни қўллаб-қувватлаб турган мухлисларимизни хиссаси катта деб ўйлайман. Жамшид Искандеровнинг майдондан четлатилиши бизга катта ёрдам берди.

Кейинги турни “Қўқон-1912” жамоасига қарши ўтказамиз. Ушбу учрашувда ким кучли бўлса ўша жамоа ғалаба қозонади. Биз фақат ғалаба учун майдонга тушамиз. Мухлисларимиз олдида мағлуб бўлишимизга ҳаққимиз йўқ”, - дейди “Нефтчи” жамоаси ҳимоячиси Шукурали Пўлатов

Жаҳонгир Сотволдиев