Шота Арвеладзе: "Тошкентга футбол қайтаётганидан хурсандман"

- Биринчи навбатда мухлисларга ташаккур. Бугун стадионда ажойиб муҳит ҳукмронлик қилди. Ниҳоят Тошкентга ҳақиқий футбол қайтаётганидан хурсандман. Чунки футбол аввало улар учун ва ишқибозларсиз футбол ўйнашдан маъно йўқ. "Пахтакор" мухлисларни футболга қайтариш учун барча ишни амалга оширмоқда.

Ўйин давомида жамоалар таваккалга қўл уришни исташмади. Биринчи тайм бизнинг назоратимиз остида ўтди. Иккинчи бўлимда ташаббусни рақибга берган ҳолда қарши ҳужум тактикасидан ҳам фойдаланмоқчи бўлдик. Аммо қарши ҳужумда вужудга келган вазиятларни голга айлантира олмадик. Натижадан кўнглим тўлди. Муҳим ўйинда ғалаба қозондик. Дербидаги ғалаба доим ёқимли бўлади.

Тиаго Безерра: "Ғалаба учун яратганга ташаккур. Биринчи бўлимда ўйин тизгини биз томонда бўлди. Танаффусдан кейин эса ҳимояга эътибор қаратган ҳолда қарши ҳужум тактикасида ўйнадик. Муҳим ва дербидаги ғалаба кишини хурсанд қилади. Ҳозир ғалабани нишонлаш учун яхши фурсат. Аммо бу хушёрликни йўқотамиз дегани эмас".