UZ

Сўнгги янгиликлар

21:53АПЛ. "Манчестер Юнайтед" қийин ўйинда ишончли ғалабага эришди ва "Сити" билан орадаги фарқни қисқартирди  36 21:49Англия кубоги. Ярим финални кимлар асосий таркибда бошлайди?  6 21:28Бензема ўзини ноқулай ҳис қилмоқда  6 21:26УЕФА Европа Суперлигаси ҳақида баёнот берди  7 21:06Ла Лига. "Атлетико" муҳим ўйинда Суарес ва Феликссиз рақибини "янчиб ташлади"  4 20:57МЮ, "Реал", "Барселона", "Ювентус" ва яна 8 клуб Суперлига тузмоқчи. "Бавария" ва ПСЖ бунга қарши  10 20:45Сурат биздан, изоҳ сиздан!  21 20:34Бундеслига. "Боруссия" "Вердер"ни мағлуб қилди, Холанддан дубль  2 20:21А Серия. "Рома" Туринда меҳмон бўлади (асосий таркиблар)  0 20:16РПЛ. "Спартак" — "Уфа": Остон Ўрунов...  8 20:02А Серия. "Ювентус" Бергамода мағлубиятга учраган бўлса, Римдаги ўйинда 8 та гол урилди  14 19:41АПЛ. "Арсенал" Лондон дербисида 1 очко ишлаб олди  9 19:18Ла Лига. "Севилья" "Сосьедад" майдонида 3 очко ишлаб олди  1 19:03АПЛ. "Ман Юнайтед" — "Бёрнли": Погба ва Фернандеш асосий таркибда  9 18:50"Интер" Лаутаронинг ўрнини МЮ футболчиси билан тўлдирмоқчи  6

Шомуродов Ўзбекистоннинг энг кучли ҳужумчиси эмас ёхуд "ўзимизнинг МЮЛЛЕР" ҳақида Янгиликлар

Шомуродов Ўзбекистоннинг энг кучли ҳужумчиси эмас ёхуд "ўзимизнинг МЮЛЛЕР" ҳақида

Футбол – бу рақиб дарвозасига гол уриш учун ўйналадиган оддий ўйин.

Майдондаги жамоанинг мақсади рақибидан кўпроқ гол уриб, ўйинда ғалаба қозонишдир. Шундай экан, асосий эътибор ҳужумчи амплуасида ҳаракатланадиган ўйинчиларга қаратилади, аксар ҳолларда барча шуҳрат ҳам уларники бўлади.

Афсуски, сўнгги йилларда айнан шу позиция ўзбек футболининг нозик нуқтасига айланиб қолди. Россиядаги мундиал саралашида бизга марказий ҳужумчи зонасида ўйнайдиган “қўнхўр” етишмаган эди. Максим Шацких ва Александр Гейнрих фаолиятини якунлагач, олдинги чизиқнинг етакчисига айланиши кутилган Игор Сергеев руҳий ҳолати билан боғлиқ муаммоларга дуч келган бўлса, пичоққа илинадиган бошқа номзод топилмай қолганди. Бу ҳол БАА майдонларида ўтказилган қитъа кубоги баҳсларига қадар давом этди. Айнан шу мусобақадаги тасодиф Осиё футболига янги юлдуз – Элдор Шомуродовни тақдим қилди. Шундан кейин сурхондарёлик форварднинг фаолиятида прогресс кузатила бошлади ва у 1 йил ичида Генуя манзили томон отланди.

Хабарингиз бор, Элдорнинг итальян диёридаги саргузаштлари ҳам муваффақиятли чиқяпти. У аллақачон А Серияга “музқаймоқ ейиш учун” бормаганини исботлашга улгурди. Футболчининг жорий мавсум якунида итальян грандларидан бирига ўтиши ҳақидаги хабарлар ора-сира матбуот юзини кўриб турибди.  Шомуродовнинг футболчи сифатида янада ўсиши биз учун фойдадан холи эмас. Чунки Қатар яшил майдонларида ўтказиладиган мундиал саралашининг ҳал қилувчи ўйинларига оз фурсат қоляпти. Шу ўринда Элдорни марказий ҳужумчи сифатида танийдиган муштарийларимизга унинг яна бир сифати ҳақида маълумот беришни лозим топдик. Зеро, у бугунги кунга фақат голлари туфайли етиб келмади.

Итальян халқи миллатчилик ва ирқчилик қусурларидан холи эмас. Бу ҳақда мутбуот орқали тез-тез ўқиб турамиз. Шу туфайли мазкур заминда легионерларнинг ўз ўрнини топиб олиши бироз мураккаб жараён ҳисобланади. 2001 йилда “Милан” бошқарувини қўлга олган туркиялик Фотиҳ Терим жамоадан қандай кетказиб юборилганини эсланг. 

А Серияда ўз ўрнингизни топишингиз учун фавқулодда иқтидорли бўлишингиз ёки Златан сингари ўта кучли характерга эга бўлишингиз талаб қилинади.  Гувоҳи бўлганингиздек, Элдор ҳам жамоага мослашиб кетишда қийинчиликка дуч келмади. Бунинг устига, у маҳаллий футболчи (Жанлука Скамакка) билан курашда ҳам ютиб чиқди. Скамакка мавсум аввалида Элдордан рақамини (9) тортиб олган бўлса, ҳамюртимиз мавсум давомида Скамакканинг таркибдаги ўрнини олиб қўйди. Эътибор қилаётган бўлсангиз, Давиде Баллардини Элдордан “таран” сифатида фойдаланмаяпти. Ҳужумларни якунлаш масаласи кўпроқ Маттиа Дестронинг гарданига юкланган. 29 ёшли итальян майдонда бўлиб турган пайтида ҳамюртимиз бироз орқароқда ҳаракат қилади ва айнан шу омил “Женоа”нинг муваффақиятларида асосий сабаб бўлса ажаб эмас. Жамоа тўп киритадиган аксар вазиятларга қарасак, Шомуродов ҳужумни кескинлаштирувчи вазифасини бажариб беряпти. Чунки у олдинда тўп кутиб турадиган форвардлар типига кирмайди, тўп учун тинимсиз курашади ва қулайроқ вазиятда турган жамоадошларидан тўпни сира қизғанмайди.

Унинг бу хусусияти терма жамоа ўйинларида ҳам ас қотиши мумкин. Тасаввур қилинг, миллий жамоамиз 4х4х2 тактик схемаси асосида ўйнайди ва қўш ҳужумчи билан майдонга тушади. Сергеев, Яхшибоев ёки Абдихолиқов сингари форвардлардан бири вазиятларни якунлаш билан банд бўлса, Элдор орқароқдан ўйин қуриш билан шуғулланади ва зарур паллада ўзи ҳам тўп киритиб кетаверади. Сервер Жепаровдан кейин бу соҳада анча қийналиб қолганимиз ҳақиқат. 

Тушунишингиз осонроқ бўлиши учун айтаман, Элдор “Бавария”даги Томас Мюллернинг вазифасини бажарса, олдинги чизиқда тўп кутиб ўтирадиган Элдорга нисбатан кўпроқ фойда келтириши мумкин. Жамоанинг ўйинини Шомуродовнинг атрофига қуриб, унга майдон бўйлаб ҳаракатланиши учун бутунлай эркинлик яратиб бериш керак. Шунда кўрасиз, Шомуродовнинг асл кучини. Демоқчиманки, у олдиндаги ўйинларда Ўзбекистоннинг энг яхши ҳужумчиси бўлиши шарт эмас, бу вазифани Игор ёки Бобир ҳам эплай олади. Элдор мураккаброқ бўлса ҳам, юртимизнинг энг яхши футболчисига айланиб, жамоанинг ўйинини қуриб бериши керак. Ундан янги вазифада фойдаланилиши рақибларимиз учун ҳам кутилмаган сюрприз бўлади...

“Женоа”нинг янги устози Давиде Баллардини Элдор кўпроғига қодирлигини яхши тушунди ва унга соф ҳужумчи вазифасини юклашдан тийилмоқда. Кўрамиз, Вадим Абрамов қандай йўл тутар экан.

Қадрли ўқувчи, сизнинг бу борадаги фикрингиз қандай? Марказий ҳужумда ўйнайдиган Шомуродовдан эркин ижодкор сифатида тўп тепадиган ва керак пайтда ўзи ҳам гол урадиган Шомуродов кучлироқ эмасми?

Фахриддин Рўзиев

Муаллиф : Faxriddin Ro'ziyev
Рейтинг: +38   

Фикрлар

+6   
22 фев 16:22:58
Камол Насиров
Муаллиф Фахриддин Рўзиев ўзи сен футболни тушунасанми ё бу гапларни биров ёзиб бердими. Элдор энг олдинги чизиқда махоратли ҳужумчи билсанг агар. Унга тўп тегиши билан 2-3 ҳимоячи атрофида гирдикапалак. Элдорнинг оёқларига тўп келиб қолса улгурмайман деб рақиб ҳимоя чизиғи ҳам олдинга бемалол ўтолмайди. Яни ҳимоячиларни жойига михлаб қўяди Элдор. Шунинг учун ҳам бизни футболчилар ўрта чизиқда бемалол ўйин қурса бўлади. Элдорни жойидан қўзғатмаларинг дарахт бир жойда кўкаради. Сенларга қолса қўлига қўлқоп кийдириб дарвозага ҳам қўясанла... Ўқи профессор
+6   
22 фев 15:56:02
Холмирзаев Комил
Хар кимнинг уз фикри бор менимча агар Черан фукароликни олса сиз айтган позицияда у кучлирок Элдор якунловчи булиши керак сабаби бошка хужумчиларимиз босим остидаги кийин уйинларда хаяжонни енголмайди
+5   
22 фев 16:01:19
TimaX
Элдор марказий хужумда ўйнаши керак. Орқароққа Яхшибоев ёки Машарипов каби техникали йигитларни қўйиш керак
+5   
22 фев 15:58:27
Jamshid Mirzayev
Bazo'r topilgan xujumchimizni yarim himoyachiga aylantirish? Bu g'irt axmoqlik bo'lsa kerak. Trenerni duxi yetsa 4-4-2 yoki 4-3-3 sxemasida o'ynatsin o'zbek murabbiylarini topvogan 4-5-1 hammasi qörqoq shu lanati taktikadayam maksimum foyda keltiryotgan Super forwardimizni yana yarim himoyaga tiqib anavi galvars Igor bilan bitta to'pni eplab tepomidigan Bobirni xujumga o'tkazish bu o'z oyog'ini chopish bilan tengku.
+4   
22 фев 16:33:40
Belconnen FC
Maqola sifatli yozilsa (fikr tog'ri yoki no'tog'riligi alohida masala) muxlislarning izohlari ham ma'noli bo'larkan. Muallifga qalami bundanda o'tkir bo'lishini tilaymiz.
+4   
22 фев 15:54:17
Muzaffar Farhodovich
Eldor yaponiyaga urgan golini eslanglar, qarshi hujumda foydali
+4   
22 фев 15:53:01
Amanov Hursandbek
Элдор марказий хужумчи менимча марказий хужумда узини яхши хис килади.
+3   
22 фев 16:50:46
Manchester united Lazizjon
Ҳурматли Фахриддин Рўзиев шу мақолани ўйлаб ёздингизми ўзи, бизда доим ярим ҳимоячилар бўлган лекин ҳужумни якунловчи ҳужумчи 10 йилда бир маротаба чиқади, энди ўзи хозирча энг яхши ҳужумчини яна орқада ўйнасин демоқчимисиз илтимос бошқа мақола ёзманг ёзсангиз ҳам ўйлаб ёзинг.
+3   
22 фев 16:29:45
Uzbeks Number one
1chidan Jenoada 9lik pozitsiyasida oynamayapkaniga asosiy sabab hali tayyormas Eldor sof hujumchi bo'b oynashga.. U superligamas gol uromasa muhlisla kechirib ketadigan Yevropada nafaqat texnikasi kuchli bogan yana ruhiyati sovuqqonligi kuchli bogan oyinchila sof hujumchi bololidi.. Eldor yonidigi Destro Pandevladan sovuqqonlini organish kere ba'zi holatlada unda hayajonlanishla kuzatilvotti gol uromi qovotti yaqin masofaladan.. hozi trener uni tayyorlavotti 9liga chunki uni boyi gavda tuzilishi sof hujumchilaga hos.. Terma jamoaga keladigan bose u markaziy hujumchi pozitsiyasida eng foydali bololidi(ozi bu pozitsiyada gol uradigan norm oyinchiyam yo'de Eldordan boshqa) hujumchi ortida Masharipov Yaxshiboyev Rashidov Abduxoliqov Urunovlaga oxshagan oyinchila oynasa boladi
+3   
22 фев 15:45:47
Aziz
Элдор таран хужумчи
+2   
22 фев 16:58:49
EURONEFTCHI
Йўқ. Манабу Шомуродов кучлироқ манимча.
+2   
22 фев 16:51:32
Isroiljon Qosimov
Элдор бизнинг "мюллер" мас ўзимизнинг "ТОРРЕС" имиз бўлсин
+2   
22 фев 16:09:27
Urinov Bobirbek
Jamshid Mirzayev фойдаланувчининг фикрига жавоб бериш
O'sha Bobir gollarni urganida Olimpiadaga chiqqan bölardik. Nima bölsayam fikrizi xurmat qilaman uzr
Уша Бобирни урнига сиз булганизда аник чиккан булардик. Афсус сиз эмас мураббий Бобирни танлаган экан.
+2   
22 фев 16:02:19
Shakhbozbek_96
Terma jamoamiz santexnigi Lutti borku nima g'am bor. Maydondagi teshiklarni yamab yuradigan
+2   
22 фев 15:44:49
Jamshid Mirzayev
Notöğri fikr manimcha Eldor markaziy xujumda öynashi kerak chunki bizda Destrodaka xujumchi yo'q Myullerni nuqtasida Oston O'runov ham o'ynay oladi
championat.asia
< сўнгги янгиликларни кўриш
Яндекс.Метрика