Шоҳрур Ишанов: "Йигитларга раҳмат, бугун бор кучини ишга солишди. Олдинда яна 6та баҳс бор, тайёргарликни давом эттирамиз".
- Бугунги баҳсда таркибда ротациялар кўп эди, бу тактик юришмиди?
- Ушбу учрашувда ёшларга ишонч билдирдик ва улар ишончни оқлашди. Бу ғалабага тенг дуранг деб ўйлайман.
- Жамоага янги қўшилган Хушнуд Авилов 2 турдан бери жамоада кўринмаяпти...
- У йўқлиги сабабини билмаймиз. Телефон қилдик, боғланишга уриндик. Эртага яна уриниб кўрамиз.
- Бир неча кун олдин "Андижон-SGS" футболчилари келишилган ўйинларда иштирок этгани туфайли жазоланишди. Бу воқеалардан хабарингиз бормиди?
- Йўқ, бу биз учун кутилмаган ҳол бўлди. Яхши иш қилишмади. Чунки бир тадбиркор кучли жамоа яратиш ниятида "Андижон-SGS"ни ташкил қилган. Бироқ катта футболчиларимиз хатога йўл қўйишди. Буёғига ёшларга ишонамиз.
- "Андижон-SGS" май ойидан бери ғалаба қозона олмаяпти. Бунда ўзингизни айбдор деб ҳисоблайсизми?
- Мағлубият мураббийники. Бироқ қўлимиздан келганча ишлаяпмиз. Худо хоҳласа ҳаммаси яхши томонга ўзгаряпти.
- Ғалаба қозониш учун жамоага нима етишмаяпти?
- Содир бўлган ишлар жамоамизга жиддий таъсир қилди. Чунки улар асосий футболчилар эди, ёшлар эса уларга интилишаётганди. Жамоа 3-4 кишига боғланиб қолмаслиги керак, ёшлар билан ишлаяпмиз. Келажакда улар ўз сўзини айтади.
- Майдон сифатида ўйинга қанчалик таъсир кўрсатди?
- Катта. Майдон сифати яхшиланишига умид қиламиз. Йигитлар жуда қийналишди. Узатмаларда муаммоларга дуч келдик.
