Ўйиндан сўнг 24 ёшли ҳужумчи билан суҳбатлашдик.
- Шаҳзодбек, аввало "Шўртан" билан кечган ўйинда қозонилган ғалаба билан табриклаймиз. Учрашув ҳақида фикрларингиз?
- Баҳсда ғалаба қозонишимизга ишонгандим. Лекин бу даражада йирик ҳисобда ютишиимизни кутмагандим. Учрашув яхши кечди. Биринчи бўлимда ҳисобни очганимиз фойдамизга ишлади. Иккинчи таймда эса яна иккита тўп киритиб, ишончли ғалабага эришдик.
- Нимани ҳисобига ғалаба қозондинглар?
- Жамоавий ўйин ва юқори иштиёқ эвазига. Кўз тегмасин жамоамиз ўйинида турдан-турга ўсиш кузатилди.
- "Шўртан" таркибида ҳам маҳоратли футболчилар талайгина. Бу рақибнинг ўйини ҳақида нима дейсиз?
- Менимча ўтган турдаги мағлубият уларга рухан таъсир ўтказган кўринади. Лекин ўйини ёмон эмас.
- "Металлург" биринчи даврани кўтаринки руҳда якунлади. Фикримизга қўшиласизми?
- Ҳа, албатта. Ҳозирча турнир жадвалида 7-ўринни эгаллаб турибмиз. Биринчи даврада керакли очколарни жамғара олдик. Энди иккинчи даврада ҳам мухлисларимизни янада хурсанд қилишга уринамиз.
- Ўзингизни фаолиятингиздан қониқиш хосил қиляпсизми?
- Ҳа. Шу ортда қолган июнь жуда ҳам муваффақиятли ўтди дея оламан. Иккинчи даврада ҳам бекободликлар сафида қолмоқчиман.
Исломбек Рустамбеков.
