Неаполдаги "Диего Армандо Марадона" стадионида кечган учрашув меҳмонларнинг 2:0 ҳисобидаги ғалабаси билан тугади.
Учрашувни Лука Цуфферли бошқариб борди. Ўйиннинг 6-дақиқасидаёқ римликлар ҳужумчиси Маттео Канчелльери ҳисобни очди. 31-дақиқада меҳмонлар ҳисобни оширишлари мумкин эди, бироқ Маттиа Дзакканьи пенальтидан унумли фойдалана олмади. Иккинчи бўлимнинг 57-дақиқасида ярим ҳимоячи Тома Башич ўз имкониятидан фойдаланиб, римликларнинг устунлигини мустаҳкамлади.
Ушбу мағлубиятга қарамай, "Наполи" 66 очко билан турнир жадвалида 2-ўринни сақлаб қолмоқда. "Лацио" эса очколари сонини 47 тага етказиб, 9-поғонага кўтарилиб олди.
