Сергеев 9 дақиқа ичида дубль қайд этди ва "Тобол"га ғалаба келтирди
14 фев 2023 11:10
Янгиликлар

Сергеев 9 дақиқа ичида дубль қайд этди ва "Тобол"га ғалаба келтирди

Костанайнинг "Тобол" клуби Туркия ўқув-машғулот йиғини доирасида "Енисей" билан ўртоқлик учрашуви ўтказди.

Қозоғистон клуби шарафини ҳимоя қилаётган ўзбекистонлик ҳужумчи Игорь Сергеев асосий таркибда майдонга тушди ва жамоаси ғалабасини таъминлади.

Учрашувнинг 17-дақиқасида ҳисоб очилди. Ўнг қанотдан ривожлантирилган ҳужумни ҳамюртимиз Игорь Сергеев аниқ зарба билан якунлади ва жамоасини олдинга олиб чиқди, аммо 2 дақиқа ўтар-ўтмас "Енисей" мувозанатни тиклади. 26-дақиқада эса Сергеев дубль расмийлаштирди. Бу сафар керакли вақтда, керакли жойда пайдо бўлган ҳужумчимиз чап қанотдан узатилган тўпни дарвозага аниқ йўллади.

Учрашувда ҳисоб (2:1) бошқа ўзгармади ва "Тобол" ғалабани тантана қилди.

Ҳавола :

Манба : championat.asia

Янгиликларни Телеграмда ўқинг!

Рейтинг: +13