Душанба куни 40 ёшли футболчи Бразилиянинг "Бангу" клуби билан шартнома тузди. Бу Абреу учун фаолиятидаги 28-клубга айланди.
Абреу катта футболда 1995 йилда Уругвайнинг "Дефенсор Спортинг" клубида дебют қилганди. У дунёнинг 10та мамлакати чемпионатида ўйнаган: Уругвай, Мексика, Сальвадор, Испания, Бразилия, Эквадор, Греция, Исроил, Парагвай ва Аргентина.
Ҳужумчи терма жамоа сафида 70та ўйин ўтказиб 26та гол урган. Абреу Уругвай терма жамоаси таркибида тўрт марта Америка кубоги ва икки марта Жаҳон чемпионатида қатнашган.
