Саудия Арабистони мураббийи ёки футболчилари жаримага тортилиши мумкин
01 фев 2024 23:27
Янгиликлар
Саудия Арабистони мураббийи ёки футболчилари жаримага тортилиши мумкин
Саудия Арабистони футбол федерацияси терма жамоа таркиби бўйича текширув ўтказади.
Араблар Қатарда ўтказилаётган Осиё кубогининг 1/8 финалида Жанубий Кореяга имкониятни бой бериб қўйиб, мусобақани тарк этди.
Турнир аввалида терманинг италиялик бош мураббийи Роберто Манчини Султон Ал Ғаним, Салмон Ал Фараж, Наваф Ал Ақиди каби бир қатор етакчи ўйинчиларни сафга қўшилишни истамаганлигини айтиб, уларни якуний рўйхатдан тушириб қолдирганди.
Эндиликда мазкур қарор юзасидан текширув ўтказилади. Агар санаб ўтилган футболчилар чиндан ҳам терма жамоага ёрдам беришни истамаган бўлса, улар дисквалификация қилинади ҳамда 300 минг Саудия реали (80 минг АҚШ доллари) миқдорида жаримага тортилади.
Агарда Манчининг сўзлари ёлғон эканлиги аниқланча, мураббий бир йилга четлатилади ва унга юқоридаги суммага тенг жарима солинади.
Ўхшаш янгиликлар
championat.asia
U-17 Жаҳон чемпионати. Ўзбекистон U-17 терма жамоаси пенальтилар сериясида Хорватияни енгиб, кейинги босқичга йўл олди
ЖЧ саралаши. Португалия Роналдусиз рақиб дарвозасига 9 та тўп киритиб, мундиалга чиқди
Португалия ЖЧ йўлланмасини қўлга киритганидан сўнг Роналду қисқа фикр билдирди
"Шармандалик, бу шармандалик!"
Фикрлар