“Жуда қийин ўйин ўтказишимизни билардик. Мураббийимиз кўрсатмаларига тўлиқ амал қилдик ва ишончли ғалабани қўлга киритдик. Футболчилар жуда чиройли ўйин кўрсатишди ва мухлисларимиз, раҳбариятни хурсанд қила олдик.
Тўғриси, рақиб жамоа ҳақида кўп маълумотга эга эмасдик. Лекин ўйинда кўриндики, уларда тажрибали футболчилар кўп. Футбол шунақа ўйин, унда кимдир ютади, яна кимдир ютқазади. Ўйлашимча, туркманистонликларга омад етишмади.
Раҳбарият жамоа олдига гуруҳни муваффақиятли тугатиб, кейинги босқичга чиқиш йўлланмасини вазифа сифатида қўйган. Биз эса буни уддасидан чиқиш учун кейинги ўйинга ҳам эътибор қаратамиз. Шу ўринда бизни молиявий томондан қўллаб-қувватлаб турган инсонларга миннатдорчилик билдираман", — дейди Очилов.
