Франциялик ярим ҳимоячи Франк Рибери фаолиятини "Салернитана"да давом эттиради.
Сўнгги икки мавсумни "Фиорентина"да ўтказган 38 ёшли ярим ҳимоячи эртага тиббий кўрикдан ўтади ва шартнома имзолайди.
Шунингдек, 22 йилдан сўнг А Серияга қайтган "Салернитана" ҳимоячи Давид Луизни қўлга киритмоқчи, клуб футболчи билан яқин орада музокара ўтказади.
34 ёшли бразилиялик футболчи шу йилнинг июнь ойида "Арсенал"дан кетганидан буён эркин агент ҳисобланади.
