Рустам Дўрмонов: “Охиригача олий лигада қолиш учун курашамиз”
29 окт 2016 19:42
Янгиликлар

Рустам Дўрмонов: “Охиригача олий лигада қолиш учун курашамиз”

“Навбаҳор” ва “Қизилқум” жамоалари ўртасидаги учрашувдан кейин “лочинлар” бош мураббийи Рустам Дўрмонов ўз фикрлари билан ўртоқлашди:

- Биринчи навбатда жамоамиз мухлисларидан узр сўрайман. Футболчиларимиз биринчи бўлимда яхши ҳаракат қилишди. Гол уриш учун бир қатор имкониятларга ҳам эга бўлдик. Тезкор ҳужумчиларимиздан бири Абдумалик Абдуллаев ўзи учун яратилган вазиятларга голга айлантира олмади. Иккинчи бўлимда ёш болаларга ҳос тарзда йўл қўйилган хатолар дарвозамизга иккита тўп киритилишига олиб келди.

“Қизилқум” жамоаси маҳорат борасида жамоасиздан бир бош устун эканлигини намойиш этди. Айнан шу сабабли рақиб футболчилари вазиятлардан фойдаланишди, биз эса имкониятларни голга айлантира олмадик. Олдимизда яна учта тур бор. Ҳозирданоқ тушкунликка тушиш ниятимиз йўқ. Охиригача олий лигада қолиш учун курашамиз. Барчаси биз учун ижобий тарзда якун топади деган умиддаман. Айни пайтда бир қатор футболчиларимиз жароҳат туфайли жамоага ёрдам бера олишмаяпти.

Акрам Баҳриддинов ҳам бугун жароҳати бўлишига қарамай уколлар ёрдамида майдонга тушиб, имконият даражасида ёрдам беришга ҳаракат қилди. Йўқотишлар ўрнини ёшларимиз сафида тўп сураётган футболчилар билан тўлдиришга мажбурмиз.

"Навбаҳор" матбуот хизмати

Ҳавола :

Манба : championat.asia

Янгиликларни Телеграмда ўқинг!

Рейтинг: -4