Рубин Хебай «Насаф» ўтмоқдами? Ҳужумчининг ўзи вазиятга ойдинлик киритди

Сўнгги кунларда турли хил ОАВ воситалари "Андижон" собиқ футболчиси, ҳозирги кунда Туниснинг "Сфаксьен" клуби сафида тўп тепаётган Рубин Хебай "Насаф" билан келишувга эришгани ҳақида ёза бошлади. Биз эса футболчининг ўзи билан боғландик ва барча саволларга жавоб олдик.

- Салом Рубин, ҳозирги кунда Тунис чемпионатида тўп тепмоқдасиз. "Сфаксьен” клубидаги фаолиятингиз қандай кечмоқда?

- Мен Тунис клубидаги фаолиятимни якунладим ва шартномани бекор қилдим.  Сабаби клуб менга ҳеч қанча маош тўламади.

- Айни дамда Ўзбекистонда трансферлар ойнаси очиқ ва клублар ўз сафига янги футболчиларни қўшиб олмоқда. Ўзбек клублари сизга жиддий қизиқиш билдираётгани ҳақида кўпгина хабарлар тарқалди. Ўзбекистон клублари билан музокара олиб бордингизми? Шунингдек, Рубин Хебай амалдаги чемпион “Насаф” билан шартнома имзолади деган гап-сўзлар қанчалик рост?

- Ҳа, Ўзбекистондаги бир нечта клублар алоқага чиқишди. Саноқли кунлардан сўнг менинг янги клубим ҳақида билиб оласизлар.

- "Насаф” билан келишувга эришдингизми?

- Бир неча кундан сўнг барчаси расман эълон қилинади.

→ Эшитдик-да! Суперлига клубларидан бири Рубин Ҳебайни Ўзбекистонга қайтармоқчи