Мазкур баҳсда "Аждарлар"нинг бир йўла икки ҳимоячиси Дилшод Саитов ва Шерзод Насруллаев жароҳат олиб майдонни тарк этишганди. Футболчиларнинг ҳолатини билиш мақсадида жамоа бош мураббийи Рўзиқул Бердиевга мурожаат қилдик.
"Дилшод Саитовнинг оёқ суяги синган ва гисп қўйилган. У камида бир ой давомида даволанади. Дилшоднинг қачон майдонга қайтиши унинг тикланиш жараёни қандай давом этишига боғлиқ бўлади. Барчамиз унинг тезроқ сафга қайтишини кутамиз.
Шерзод Насруллаевнинг эса тизза қисми қайрилиб кетганди. Шифокорлар текшируви жароҳат у қадар жиддий эмаслигини кўрсатди. Насиб қилса Шерзод навбатдаги ўйинга тайёр бўлади", - дейди Рўзиқул Бердиев.
