UZ

Сўнгги янгиликлар

03:03Ла Лига. "Реал" меҳмонда "Жирона"ни мағлуб эта олмади  23 02:58А Серия. "Наполи" Римда "Рома"ни мағлуб этди  0 01:25Микель Артета: "Чемпион бўлишни истасак, шу руҳни сақлаб қолишимиз керак"  4 01:15Cамвел Бабаян — "Андижон" бош мураббийи  11 00:33Спаллетти "Ювентус" учун рекорд ўрнатди  1 00:07ОКМК сўнгги турда Олмалиқда "Машъал"ни мағлуб этган ўйиндан ФОТОГАЛЕРЕЯ  0 23:30АПЛ. Қизиқарли кечган "Челси" ва "Арсенал" жамоалари ўртасидаги Лондон дербисида дуранг қайд этилди, "аристократлар" ўйиннинг катта қисмини ўн киши бўлиб ўтказишди  37 23:17"Андижон" сўнгги турда "Бунёдкор"ни мағлуб этган ўйиндан ФОТОГАЛЕРЕЯ  0 22:25Исак "Ливерпул" сафидаги дебют голини урди  4 21:34"Реал" 50 млн евролик трансферни амалга оширишга тайёр  8 21:00АПЛ. "Ливерпуль" Лондонда "Вест Хэм"ни мағлуб этди  7 20:56А Серия. "Интер" Лаутаронинг дубли эвазига меҳмонда "Пиза"ни мағлуб этди  2 20:05Савиньо қишда "Манчестер Сити"ни тарк этиши мумкин  2 19:22Рэшфорд "Барселона"ни тарк этиб, ПСЖга ўтиши мумкин   4 19:02АПЛ. "Манчестер Юнайтед" Лондонда иродали ғалабага эришди  17

Рўзиқул Бердиев: "Чемпионлар лигасида ўйнаш учун бизда фақат битта йўл қолди – Ўзбекистон кубоги финалида ғалаба қозониш" Янгиликлар

Рўзиқул Бердиев: "Чемпионлар лигасида ўйнаш учун бизда фақат битта йўл қолди – Ўзбекистон кубоги финалида ғалаба қозониш"

Суперлиганинг якуний 26-туридан ўрин олган "Насаф" – "Локомотив" (1:3) учрашувидан сўнг мезбонлар бош мураббийи Рўзиқул Бердиев матбуот анжуманида иштирок этди.





- Ўйин ҳақида

- Баҳс қийин кечишини билардик. Чунки бундан олдин қийин ўйин ўтказгандик, толиқиш бор эди. Натижа учун ҳаракат қилишимиз лозим эди, аммо ўйиндаги қизил карточкадан кейин ҳаммаси тубдан ўзгариб кетди. Бу мағлубиятимизга асосий сабаблардан бири бўлди. Эҳтиёткорроқ ўйнашимиз керак эди, лекин буни амалда бажара олмадик ва мағлубиятга учрадик. Жуда аламли мағлубият бўлди, чунки совринли ўринлардан бирини эгаллашни истагандик. Бироқ бу – футбол. Ўшанга мағлубиятни тўғри қабул қиламиз.

- Жўрабек Манноновнинг майдон марказидаги ҳаракати катта таваккал эди. Мураббий сифатида бу "Насаф" учун қимматга тушди деб ҳисоблайсизми?

- Ҳа, албатта. Ўйин олдидан йигитларга ўйинда ВАР тизими ишлашини таъкидлагандик. Қизил карточка, офсайд ва пенальти билан боғлиқ ҳолатларда эҳтиёркор ўйнашларини уқтиргандик. Кутилмаганда Маннонов қўполлик ишлатиб, жамоани қийин аҳволда қолдирди. Биз кўпроқ ҳимояга эътибор қаратиб, юқори бўлмаган темпда ўйнашни режалаштиргандик.

- Кубок ўйинида Марко Станоевичнинг ўрнини қайси футболчи билан тўлдиришни режалаштиряпсиз?

- Бизда катта захира йўқ. Асосан, битта таркиб билан ҳаракат қиляпмиз. Шу боис ички захирамиздан максимал фойдаланамиз. 

- "Насаф" ўринбосарлари учинчи ўринни олишди. Умуман олганда, келаси мавсумда ёшлар таркибидан кимлар асосий жамоага жалб қилинади?

- Албатта, асосий таркибга жалб қилинадиган футболчилар бор. Бунга эътибор қаратамиз.

- "Насаф"нинг Ўзбекистон кубогини олиш имкониятини қандай баҳолайсиз?

- Чемпионлар лигасида ўйнаш учун бизда фақат битта йўл қолди – Ўзбекистон кубоги финалида ғалаба қозониш. 

-  "Насаф"нинг мавсумдаги умумий муаммоси?

- Олдинроқ айтганимдек, муаммолардан бири – таркибимиз, захира ўриндиғимиз у қадар кенг эмаслиги. Шу туфайли битта таркиб билан ўйнаб келяпмиз. Бугунги ўйинда чарчоқ аломати "Локомотив"га қўл келишини билардик, чунки улар тўпни яхши назорат қилади. Жамоамизнинг 90 дақиқага кучи етмаслигини "темирйўлчилар" яхши билиб туришганди. 

- Мавсум якунига етмоқда. Футболчиларга таклифлар ҳам келиб тушади. "Насаф" таркиби негизи сақлаб қолинадими?

- Кўпчилик футболчилар шартномаларини узайтиришди. Менимча, жамоа негизи сақлаб қолинади. Шунингдек, яхши ўйинчиларни таркибга жалб этишимиз керак бўлади.

Рейтинг: +8   

Фикрлар

championat.asia
< сўнгги янгиликларни кўриш
Яндекс.Метрика