Рост экан! Шомуродовнинг 10-голи сочини сақлаб қолгани тасдиқланди

Бугун Ўзбекистон терма жамоаси ихтиёрига етиб келган "Ростов" ҳужумчиси Элдор Шомуродов кечаги ЦСКА дарвозасига киритилган гол Карпин-Байрамян ва Элдор ўртасидаги гаровда ютуқни таъминлаганини айтди.

"Агарда кеча мен ва Байрамян гол урмаганида, унда иккаламиз сочимизни олдиришимизга тўғри келарди. Чунки ўтган гал ФИФА кунларидан кейин клуб ихтиёрига қайтганимизда, бош мураббий Карпин мен ва Байрамян билан гаров бойладик. Яъни, кейинги танаффусга қадар мен 3та, Байрамян эса иккита гол уриши белгиланди. Агарда бу вазифани уддалай олмаганимизда, унда иккаламиз ҳам сочимиздан воз кечишимизга тўғри келарди. ЦСКА билан ўйинда эса биз вазифани уддаладик. Акс ҳолда бугун терма жамоа ихтиёрига бошқача имижда ташриф буюрардим (кулади). Энди эса эътиборимни терма жамоага қаратаман", - дея вазиятга ойдинлик киритди Элдор Шомуродов.

Қизиқарли интервьюнинг тўлиқ қисмини эртага ҳавола қиламиз.