Роналду 100-марта пенальтидан гол урди
28 янв 2018 20:43
Янгиликлар

Роналду 100-марта пенальтидан гол урди

Португалиялик футболчи ўн бир метрлик нуқтадан урган голлари сони 100 тага етди.

Испания чемпионати навбатдаги тур учрашувида Мадриднинг "Реал" клуби сафарда "Валенсия"га қарши баҳс олиб борди.

Ўйин "қаймоқранглилар"нинг 4:1 ҳисобидаги ишончли ғалабаси билан якунланди.

"Реал" ҳужумчиси Криштиану Роналду қаторасига иккинчи учрашувда дубль қайд этди. Эътиборлиси, "кўршапалаклар" дарвозасига урган голларининг ҳар иккисини футболчи пенальтидан киритди.

Таъкидлаш лозим, иккинчи гол Криштиану Роналдунинг профессионал фаолиятида пенальтидан урилган юбилей 100-гол бўлди.

Ҳавола :

Манба : championat.asia

Янгиликларни Телеграмда ўқинг!

Рейтинг: +2