Манбага кўра, “Рома” форварди Феликс Афена-Гьян жамоани тез орада тарк этади ва “Кремонезе” аъзосига айланади.
Трансфер 7 млн еврога амалга ошиши кутилмоқда. Музокаралар якуний босқичда турибди. Битимга футболчини қайта сотиб олиш банди киритилмайди.
Италия ОАВ хабарига кўра, 19 ёшли Афена-Гьяннинг кетиши, “Рома”га Андреа Белоттини олиб келиш учун имкон беради. Ганалик жамоада кўп ўйин амалиётига эга бўла олмаслигини тушунмоқда.
Феликс ўтган мавсум асосий жамоада 22 баҳсда қатнашиб, 2 та гол урди.
