Рэшфорд "Ливерпул"га қарши ўйин ҳақида: "Биз таслим бўлганимиз йўқ, бу сафсата"

"Манчестер Юнайтед" клуби ҳужумчиси Маркус Рэшфорд "Ливерпул"дан учралган 0:7 ҳисобидаги мағлубиятнинг сабаблари ҳақида гапириб ўтди.

"Ливерпул"га қарши ўйинлар доим ҳам ўзгача бўлган. Танаффусдан олдин юзага келган вазиятда гол урганимда, вазият бутунлай бошқача бўларди. Улар ўша учрашувда ўйиндаги боғламларимизни узиб ташлашди. Энди эса ҳаммасини қайтадан бошлаш керак.

"Ливерпул"га қарши ўйинда таслим бўлдикми? Бу сафсата, биз таслим бўлганимиз йўқ. Биз шунчаки тартибсиз, бир-биримизни тушунмасдан футбол ўйнадик. Менимча, ҳаммамиз тезроқ ўйинга қайтишни хоҳладик ва назоратни йўқотдик. Якунда эса ҳаммаси ёмонлашиб кетаверди. Мен ҳужум чизиғимиз прессинг қилишга уринганини ва шу сабаб чизиқлар ўртасида бўшлиқ юзага келганини сездим. Ўзаро суҳбатлашдик, аммо якунда барибир нима қилиш борасида аниқ келиша олмадик. Биз ҳозир қилишмиз керак бўлган ягона нарса – юз берган нарсадан ҳулоса чиқариш ва олдинга ҳаракат қилиш", -дейди Маркус Рэшфорд.