"Реал"да жиддий йўқотиш бўлиши мумкин: Мбаппе "Бенфика" билан ўйин олдидан машғулотни тўхтатди

Франциялик ҳужумчи чап тиззасидаги оғриқлар сабаб сешанба кунги машғулотларни якунига етказа олмади. Бу ҳақда "L'Equipe" нашри хабар тарқатди.

Вазият қанчалик жиддий?

Манбанинг таъкидлашича, 25 февраль, чоршанба оқшомида бўлиб ўтадиган "Бенфика"га қарши жавоб ўйинида Мбаппенинг майдонга тушиши катта шубҳа остида. Клуб шифокорлари ва мураббийлар штаби футболчининг соғлиғини хавф остига қўймаслик учун унга дам беришга қарор қилишган, чунки тиззадаги оғриқлар ҳали ҳам панд бермоқда.

Арбелоанинг режаси:

"Қаймоқранглилар" бош мураббийи Альваро Арбелоа Килиан бўйича якуний қарорни ўйин кунида қабул қилмоқчи:

"Мураббий вазиятни кузатмоқда ва ҳужумчининг иштироки борасидаги қарорни охирги соатларгача кечиктиришга тайёр. Бу билан Мбаппенинг тикланиши ва майдонга тушиши учун кўпроқ имконият яратилади".

Эслатиб ўтамиз, "Реал" дастлабки баҳсда 1:0 ҳисобида ғалаба қозонган эди. Бироқ Мбаппенинг эҳтимолий йўқлиги ва Винисиус атрофидаги можаролар мадридликлар учун жавоб ўйинини янада қийинлаштириши мумкин.