"Реал" ТВдан сўнг Анчелотти Симеонега жавоб берди

"Реал" Испания Кубоги 1/8 финалида "Сельта"ни экстрай таймларда мағлуб (5:2) этди. Биринчи бўлимда бош ҳакам Хосе Мунуэра Монтеро дарвозабон Андрей Лунин ўз жарима майдончасида рақиб футболчиси Виллиот Сведбергни йиқитгани учун пенальти белгиламади.

Ўйиндан кейин "Атлетико" устози ушбу баҳсдаги ҳакамлик қарорлари ҳақида тўхталди: "Бу юз йилдан бери содир бўлади. Одамлар нега ҳайрон бўлишади, тушунмайман".

- Чоло (Диего Симеоне)нинг сўзлари ҳақида нима дея оласиз?

- Бу гапларни баъзилар омма учун айтяпти. Бутун футбол дунёси "Реал"нинг 125 йиллик тарихи ва ютуқлари ҳақида яхши билади. Бу улар учун ҳудди зирапча бўлиб қолган" - деди Анчелотти.