"Реал" суперюлдузи Мбаппе туфайли клуб билан битимни узайтиришдан бош тортди

25 ёшли футболчининг шартномаси 2027 йилнинг июнида тугайди, шу боис "қаймоқранглилар" футболчига яхшиланган шароитга эга янгисини таклиф қилди. Винисиус уни янгилашдан бош тортди, чунки у жамоадоши, Мбаппедан кўпроқ маош олмоқчи.

Килианнинг маоши ҳозирда йилига 31,2 миллион еврони ташкил этади, бразилиялик эса 20,83 миллион евро олади. Вингер франциялик футболчини ортда қолдириш учун молиявий аҳволини сезиларли даражада яхшиланишини талаб қилмоқда.

"Қироллик клуби" музокараларнинг бир неча раундини ўтказди, аммо барчаси муваффақиятсизликка учради. Сўнгги учрашувда "Реал" вингерига ҳеч қандай ҳолатда 30 миллион евродан кўп пул олмаслигини маълум қилганди. Шундан сўнг Винисиус янги битим ҳақида гапиришни истамади.

Мадридликлар бразилиялик суперюлдуз фикрини ўзгартириб, уни камида 5 йил қолдиришга умид қилмоқда.