"Реал" форварди ўз хизматларини "Боруссия Д"га таклиф қилди

Манбанинг хабар берешича, футболчининг ўзи Германия клуби раҳбарияти билан боғланиб, хизматларини таклиф қилган. Бироқ ҳозирча "Боруссия" унинг таклифига ҳеч қандай муносабат билдиргани йўқ, гарчи ёзда клуб асосий ҳужумчиси Эрлинг Холандни йўқотиши мумкин.

Йович "Реал"га 2019 йилда Франкфуртнинг "Айнтрахт" клубидан 63 миллион евро эвазига ўтган эди. 

24 ёшли ҳужумчи жорий мавсумда "қироллик клуби" сафида 17 та ўйинда майдонга тушиб, 1 та гол урди ва 2 марта ассистент вазифасини бажарди. Унинг жамоа билан битими 2025 йилнинг ёзига қадар мўлжалланган.