Мадрид "Реал" клуби ўзининг расмий сайтида янги ҳимоячиси Трент Александер-Арнолднинг тақдимоти эртага, 12 июнь куни "Реал Мадрид Сити"да бўлиб ўтишини маълум қилди. Тадбир Тошкент вақти билан соат 15:30 да бошланиши режалаштирилган.
"Бу тадбирдан олдин "Реал" президенти Флорентино Перес Трент Александер-Арнолдни расмий шартнома имзолаш маросимида кутиб олади. Бу шартнома янги ўйинчимизни келгуси олти мавсумга клуб билан боғлайди. Тақдимотдан сўнг, Трент Александер-Арнолд "Реал Мадрид Сити" матбуот марказида журналистлар олдида чиқиш қилади," - деб ёзилган клуб хабарида.
26 ёшли Трент Александер-Арнолднинг аввалги клуби Англиянинг "Ливерпул" жамоаси эди.
