Эслатиб ўтамиз, Италия Босния ва Герцеговинага мағлуб бўлиб (1:1, пен. 1:4), кетма-кет учинчи бор мундиалсиз қолди.
"Агар биз миллий спортчиларимизни тарбиялаш ва ҳимоя қилишни бошламасак, кейинги юз йил давомида ҳам Жаҳон чемпионатларига чиқа олмаймиз. Бир ёки икки марта чиқа олмаслик — бу омадсизлик, лекин учинчи мартаси тизимдаги жиддий муаммолардан далолат беради. Федерация зудлик билан қоидаларни ўзгартириши шарт", — деди Бандекки.
"Тернана" клубининг собиқ президенти италян футболини қайта миллийлаштириш зарурлигини таъкидлади: "Ҳар ҳафта чиройли ўйинларни томоша қиламиз, лекин уларда италян тилида гапирмайдиган жуда кўп спортчилар ўйнаяпти. Агар футбол италян бўлиб қолишини истасак, аниқ қарорлар қабул қилишимиз керак. Боснияга қарши ўйин ғалаба қозона олмаслигимизни яна бир бор исботлади. Йигитлар борини беришди, лекин бу Жаҳон чемпионатига чиқиш учун етарли эмаслиги кўриниб қолди".
Шунингдек, Бандекки А, B ва C серияларида жамоалар сонини тартибга солиш ва ёшлар футболига бўлган талабларни тубдан ўзгартириш бўйича ўз лойиҳасини таклиф қилди. Унинг фикрича, ички биринчиликда маҳаллий кадрларга кўпроқ имконият берилмас экан, терма жамоа инқироздан чиқиб кета олмайди.
