"Реал" бош мураббийи икки ҳимоячига ишонмаяпти
22 авг 2025 17:06
Янгиликлар

"Реал" бош мураббийи икки ҳимоячига ишонмаяпти

Мадриднинг "Реал" жамоаси ҳимоячилари Давид Алаба ва Антонио Рюдигер жорий мавсум охирида жамоани тарк этади.

Бу ҳақда "Bernabeu Digital" хабар бермоқда.

Манбага кўра, футболчилар "қаймоқранглилар" бош мураббийи Хаби Алонсонинг узоқ муддатли режаларига киритилмаган. Мутахассис афзал кўрган марказий ҳимоячилар жуфтлиги – Дин Хёйсен ва Эдер Милитао.

Қолаверса, клуб германиялик ва австриялик футболчининг тез-тез жароҳат олишидан норози. "Реал" футболчиларга ёзда кетишни таклиф қилган, аммо улар рад этган.

Демак, футболчилар бир йилдан кейин “Реал”ни эркин агент сифатида тарк этиши мумкин. Ҳар икки ҳимоячининг "қироллик клуби" билан шартномаси 2026 йилнинг июнигача ҳисобланган.

Ҳавола :

Манба : Bernabeu Digital

Янгиликларни Телеграмда ўқинг!

Рейтинг: +2