Равшан Эрматов: "Рўзиқул Бердиев "Насаф"ни "юлдузлар фабрикаси"га айлантира олди"

"Бу йил нафақат Ўзбекистон балки, бутун дунё учун оғир ўтди. Бизда ҳеч қачон бундай тажриба бўлмаган. Лекин йўлини топиб мухлисларга футболни тақдим қилиш вазифамиз ҳисобланади. Проффессионал футбол лигаси билан биргаликда маҳсус комиссияга, ҳукуматимизга мурожаат қилганимизда бизни қўллаб-қувватлашди. Футболни давом эттириш учун руҳсат олдик ва мавсумни ниҳоясига етказдик. Барча мусобақалардан олдин ЎзПФЛ футболни биринчилардан бўлиб бошлади. Бунинг ортида жуда катта жамоа, мутахассислар, мураббийлар, футболчилар меҳнат қилди. Йил якунида уларнинг меҳнатини қадрлаб мана шундай тақдирлаш маросимини ўтказдик.

Бу йилнинг энг яхшилари деб топилган Рўзиқул Бердиев ва Жалолиддин Машарипов ҳақиқий футболнинг фидойилари. Кўряпсизлар, Рўзиқул ака "Насаф"ни юлдузлар "фабрикаси"га айлантирдилар. Улар бундан тўхтамаяптилар ва терма жамоларимизга футболчи етказиб беришда фаол бўлмоқдалар. Нафақат миллий терма жамоа, балки барча ёшдаги жамоаларимизда "Насаф"дан футболчилар кўпчиликни ташкил қилади. Жалолиддин Машарипов ҳам ўзининг голлари, финтлари ва ажойиб ўйинлари билан бизнинг азалий орзумиз бўлган Жаҳон чемпионатига чиқишимиз учун муносиб ҳисса қўшади деб ўйлайман",- дейди Эрматов.