Равшан Эрматов: "Ҳакам ўйинни бошқарётганда ҳеч кимга қулоқ солмаслиги керак"
13 янв 2017 22:02
Янгиликлар

Равшан Эрматов: "Ҳакам ўйинни бошқарётганда ҳеч кимга қулоқ солмаслиги керак"

ФИФА ҳаками Равшан Эрматов СПОРТ телеканалидаги ФИФА кўрсатувида иштирок этди.

Тажрибали ҳакам кўрсатув чоғида ўз фикрларини билдирди.

"Биласиз ҳозирда ҳакамлар футболчилардан кўп югуришади. Бош ҳакамнинг пульси 180-200 атрофида бўлади. Яъни бир сонияда юрагимиз 3 марта уриб туради. Шу ҳолатда биз футбол қоидаларининг 6-7тасини ёдга олиб бир неча сония ичида қарор қабул қилишимиз керак.

ҳакам ўйин бошқарётганда ҳеч кимга қулоқ солмаслиги керак. Фақат ёрдамчилари билан гаплашиши керак. Танаффус вақтида ҳакам ўйин ҳақида ёки хатолар ҳақида ўйламаслиги керак.

Ўйин пайтида хато қилсак, нариги жамоага ёрдам бериш мақсадида яна хато қилиш тўғри эмас. Битта хатони иккита қилишнинг нима кераги бор?

Футболни нима учун севамиз? Унинг тезлиги учун. Ҳозирги пайтда тўп бир жарима майдони ичидан нариги жарима майдонига етиб боради. Қайси ҳакам 6-7 сонияда бир жарима майдонидан наригисига етиб боради? Ҳеч қайси. Шу боис ФИФА айни пайтда видеотакрорларни қўллашни бошламоқда", - дейди Равшан Эрматов.

Ҳавола :

Манба : championat.asia

Янгиликларни Телеграмда ўқинг!

Рейтинг: +17