"Болонья" Тиаго Мотта бош мураббий этиб тайинланганини эълон қилди. Шартнома икки йилга тузилган. Мотта бош мураббийлик ўрнида ўтган ҳафта ишдан бўшатилган Синиша Михайлович ўрнини эгаллади.
Аввалига Клаудио Раньери "Болонья"нинг янги бош мураббийи лавозимига тайинланиши мумкинлиги айтилганди. Моттанинг аввалги иш жойи "Специя" бўлиб, у ерда украиналик Виктор Коваленко билан бирга ишлаган.
