71 ёшли мутахассис ушбу лавозимда 2023 йил январидан буён жамоани бошқариб келган Роберто Мартинеснинг ўрнини эгаллади. Мартинес ЖЧ–2026 1/8 финалида Португалия Испанияга 0:1 ҳисобида мағлуб бўлиб, мусобақани тарк этганидан сўнг вазифасидан озод этилган эди.
Жорже Жезуш сўнгги марта Саудия Арабистонининг "Ал Насср" клубини бошқариб, жамоани мамлакат чемпионлигига олиб чиққан. Шунингдек, у Криштиану Роналду билан ҳамкорлик қилган тажрибали мутахассис сифатида яхши танилган.
Фаолияти давомида Жезуш "Бенфика", "Спортинг", "Фламенго", "Фенербахче", "Ал Ҳилол" ва "Ал Насср" каби клубларда ишлаб, бир қатор мамлакат чемпионликлари ва кубокларини қўлга киритган.
Маълумот учун, Жезуш фаолиятида илк маротаба терма жамоани бошқаради.
